Endri Pema emërohet Drejtori i Përgjithshëm i Doganave

Dje prezantimi i zëvendësuesit të Përparim Dervishit

TIRANE - Është emëruar dje Endri Pemen, në postin e drejtorit të ri të Doganave, në vend të Përparim Dervishit i shkarkuar me vendim të Kryeministrit mbrëmjen e së mërkurës. Emërimi i drejtorit të ri të doganave është prezantuar nga zëvendësministri i Financave, Florian Mima. Para se të merrte këtë emërim, Endri Pema punonte si zyrtar i lartë në Drejtorinë e Doganave. Vendimin e shkarkimit të Dervishit, Mima e ka motivuar dje me faktin e rënies së të ardhurve nga doganat.
Gjatë prezantimit të drejtorit të ri të doganave, ai ka kërkuar që doganat duhet të kenë marrëdhënie më të mira me biznesin. Drejtori i sapo emëruar Pema, ka kërkuar masa të rrepta në këtë drejtim, duke nënvizuar se do të ketë punë më fiktive. “Targeti im do të jetë rritja e performancës. Kërkoj më shumë punë nga punonjësit”, tha Pema në fjalën e tij me këtë rast.
Vetë ish-drejtori i Doganave, Përparim Dervishi theksoi se ndryshimet janë të mirëpritura, ndërsa vlerësoi reformat e kryera gjatë kohës që ai qëndroi në krye të kësaj drejtorie. Ish-drejtori Dervishi theksoi se ndryshimet sjellin rezultate, për të shtuar se në dogana ishte ndërmarrë reforma por në 2009, nisi të ndihej kriza ekonomike, gjë që vështirësoi aty punën.