Energjia, kriza qe ende kercenon

Kriza energjetike eshte ende nje fantazme qe kercenon stabilitetin ekonomik te vendit. Mungesa e mundshme me ore te zgjatura e energjise elektrike kete vit, do te ishte nje kercenim i brendshem, krahas zhvillimeve ne tregjet e jashtme, qe do t'i vinte ekonomise vendase. "Cdo zhvillim i padeshiruar i situates energjetike ne muajt ne vijim, rritja e pershpejtuar e kreditimit te ekonomise si dhe nderlikime te mundshme fiskale ne te ardhmen, perbejne rreziqet kryesore ne kete drejtim", deklaroi Keshilli i Mbikeqyrjes se Bankes se Shqiperise ne mbledhjen e fundit. Por institucioni qendror bankar, sqaron se devijimet nje rritje ekonomike sipas parashikimeve me se shumti jane te lidhura me zhvillimet nderkombetare. Por sipas eksperteve te BSH-se, monitorimi statistikor i aktivitetit ekonomik te vendit, vazhdon ende te pasqyroje veshtiresi. Duke vleresuar te dhenat e disponueshme per tremujorin e pare te vitit 2008, si dhe disa tregues te tjere te terthorte qe mbulojne periudhen 6 dhe 9-mujore, rritja e eksporteve, rritja e te ardhurave buxhetore, situata hidroenergjetike si dhe disa tregues te tjere te konsumit, mund te arrihet ne konkluzionin se prodhimi i pergjithshem i brendshem do te rritet sipas parashikimeve te meparshme, me 6 per qind. Megjithate, per nje analize me te detajuar sektoriale ende nuk disponohet informacioni i nevojshem statistikor. Ministria e Financave nga ana tjeter ka hedhur sinjalin se rritja ekonomike kete vit do te jete dyshifrore. Sipas te dhenave paraprake te qeverise, INSTAT, ka konstatuar ne tremujoret e pare dhe te dyte te vitit nje rritje ekonomike mbi nivelin 10 per qind. Parashikimet e INSTAT per rritjen ekonomike jane mbi baza vleresuese te eksperiences se viteve te kaluara dhe perllogaritjeve makroekonomike qe behen ne leter dhe jo mbi bazen e matjeve.

B.Hoxha