England: Shqiperia, partner i sigurt per SHBA
"Shqiperia eshte nje vend interesant dhe perhere e me shume, ne po e shohim vendin tuaj si partner te sigurt per bashkepunime". Keshtu eshte shprehur ish-zevendes Sekretari i Mbrojtjes Amerikan, Gordon England, gjate takimit te tij te zhvilluar diten e djeshme me kreun e republikaneve, Fatmir Mediu, ne seline e Partise Republikane. England shtoi se anetaresimi i Shqiperise ne NATO eshte nje arritje e madhe, ndersa pergezoi Mediun per reformat e ndermarra, kur ai ishte ne krye te Ministrise se Mbrojtjes, duke deklaruar se nese Shqiperia sot eshte pjese e aleances, eshte fale edhe lidershipit te tij. Nga ana tjeter kreu i republikaneve Fatmir Mediu, e njohu ish-zevendes Sekretarin e Mbrojtjes Amerikane, me historikun e partise qe ai drejton, ndersa e falenderoi per mbeshtetjen qe Shtetet e Bashkuara te Amerikes, i kane dhene Shqiperise ne rrugen e saj dhe vecanerisht ne procesin e anetaresimit ne NATO. Duke e konsideruar England si mik te shqiptareve, Mediu i kerkoi atij te percillte pershendetjet per nje tjeter mik te shqiptareve, per ish-Presidentin Xhorxh Bush. Pas takimit ne seline e Partise Republikane, ish-zevendes Sekretari i Mbrojtjes Amerikane i shoqeruar nga kryetari i republikaneve Mediu, vizituan Xhamine e Et'hem Beut ne qender te Tiranes, ku England shprehu vleresimin per bashkejetesen fetare ne Shqiperi, si nje shembull qe duhet marre nga shume vende.