“Eqerem Cabej”, nis rindertimi pas 6 dekadash Luljeta Ndoka

E ndertuar qe ne vitin 1947 dhe pa ndonje rikonstruksion serioz, me ne fund shkolla “Eqerem Cabej”, e cila ishte ne kushte skandaloze. Drejtoria e Shendetit Publik ka dhene gjate dy diteve te fundit, urdhra te njepasnjeshem per mbylljen e saj, sepse doli se ishte e pafrekuentueshme per shkak te kushteve te renda higjieno-sanitare. Por, me rindertimin e saj nga e para, kjo shkolle pritet qe te jete e standardeve evropiane, me kushte moderne. Per te inspektuar punimet, i pranishem ishte kryebashkiaku Lulzim Basha, si dhe ministri i Arsimit, Myqerem Tafaj. Pavaresisht se per shkak te kushteve, ne kete shkolle funksiononin vetem 2 kate nga 4 gjithsej, ajo mori vemendjen e duhur te Bashkise se Tiranes, vetem gjate hartimit te buxhetit te vitit 2012, ku u percaktua si prioritet hartimi i projektit dhe nderhyrja per rikonstruksionin teresor te saj. Sipas Bashes, brenda 10 muajve, kur puna te kete perfunduar, do te shohim se si do te sistemohen 900 gjimnazistet e kesaj zone, duke bere te mundur qe ata te studiojne ketu ne zonen ku jetojne dhe mos te detyrohen si deri me tani, per te shkuar deri tek “Sami Frasheri” apo me larg. “Gjeja me e rendesishme eshte se keta nxenes, do te bejne mesimin ne kushte vertet model, ne kushte me standard evropian, cka pa dyshim do te kete nje impakt te drejtperdrejte ne cilesine e mesimdhenies, ne cilesine e perftimit te dijeve, si dhe do te jete nje ogur i mire per suksesin e tyre ne te ardhmen, qofte ne jeten universitare apo ne jeten profesionale qe i pret”, tha Basha. Projekti parashikon riorganizimin e ambienteve te brendshme ekzistuese te shkolles, klasave, nyjeve higjieno-sanitare, ambientit per mjekun, psikologun, sekretarine dhe ambientin e mbyllur per kaldajen, instalimi i sistemit te ngrohjes qendrore. Me nje investim prej 126.6 milione lekesh, kjo shkolle do te kete kapacitete te mjaftueshme per akomodimin e 900 nxenesve, nga 600 qe ka aktualisht. Projekti i shkolles parashikon ndertimin e 6 laboratoreve e 19 klasave. Gjithashtu, nepermjet shteses se re, perftohen ambiente te reja si biblioteka, salla polivalente, administrata, palestra e mbyllur, dhome mjeku, psikologu dhe nje terren sportiv prej 368 m2.

Investimet:

Kreu i Bashkise Lulzim Basha tha se te gjithe investimet qe po vazhdojne anembane qytetit, jane fryt i nje planifikimi te kujdesshem dhe i nje komunikimi te vazhdueshem me te gjithe faktoret, qe nga njesite bashkiake, qytetaret, Ministrine e Arsimit dhe Drejtorine Rajonale Arsimore, ne rastin e investimeve ne objekte arsimore, etj. “Ne jemi te vendosur qe cdo lek qe ne investojme dhe cdo objekt qe ndertohet nga fillimi apo qe rikonstruktohet, te jape nje leverdi afatgjate”, theksoi ne prononcimin e tij kryebashkiaku.