Fasonet: Pro heqjes se tatimit 10% per pagat, Berisha na vleresoi Eglantina Nasi
Nisma e fundit e bere publike prej kryeministrit Berisha, lidhur me zerimin e takses se sheshte mbi te ardhurat personale per gjithe te punesuarit me page nen 30 mije leke, ka gjetur miratimin nga sektori fason, qe operon ne vendin tone. Duke e konsideruar si nje mase pozitive per kategorine e punonjesve te perfshire brenda tij, drejtuesit e ketij sektori, kane vleresuar ne te njejten kohe edhe mbeshtetjen qe kryeministri i ka dhene kesaj kerkese te bere prej tyre kohe me pare. Keshtu, ne nje deklarate publike, Dhoma Kombetare e Prodhuesve te Veshjeve, e cila perfshin numrin me te madh te te punesuarve ne sektorin e prodhimit me material porositesi (fason), vlereson se propozimi i rendesishem i kryeministrit Berisha vjen ne nje kohe kur ky sektor vijon te jete i perfshire ne ngercin e krizes globale. Sidomos asaj qe vjen nga kontraktoret kryesore te tij, sic jane Italia dhe Greqia, volumi i kontraktimit te punes me te cilet, paraqitet ne renie te vazhdueshme. “Gjithashtu propozimi real i kryeministrit vjen kur pesha e ketij sektori, i cili ka qene lider ne eksportet shqiptare deri ne vitin 2011, ka kaluar ne vitin 2012 ne nje peshe me te vogel, duke perfaqesuar vetem 26% te totalit te eksporteve. Duke reflektuar keshtu pasojat e krizes nderkombetare, te shfaqura me mbyllje ndermarrjesh, ulje te numrit te kontratave me partneret nderkombetare, reduktim e shkurtim te numrit te te punesuarve e madje edhe ulje te pagave mesatare”, citon kjo deklarate. Duke vijuar me tej me qendrimin e saj pro heqjes se TAP-it prej 10% mbi pagen deri 30 mije leke, Dhoma Kombetare e Prodhuesve te Veshjeve gjykon se lehtesimi me kete nivel perqindje i pageses ne teresi te punonjesve te ketij sektori, do te shkoje ne favor te rishikimit te pagave te tyre, me synim rritjen e vazhdueshme, sikunder edhe ka ndodhur ne fakt gjate ketyre viteve. “Por edhe me rritjen e investimeve kapitale ne kete sektor, per te perballuar konkurrencen e forte qe vjen nga rajoni si dhe renien e ndjeshme te cmimeve per njesi qe vjen nga kriza qe ka perfshire kontraktoret e huaj. Prodhuesit e Veshjeve shprehin mbeshtetje per kete deklarim publik te kreut te qeverise dhe mirepresin realizimin e tij ne nje kohe sa me te shpejte”, perfundon citimi i drejtuesve te ketij institucioni. Kujtojme nderkaq, se aktualisht ne te gjithe vendin ushtrojne aktivitetin e tyre ekonomik rreth 400 ndermarrje te tipit fason, ku jane te punesuar rreth 100 mije persona, kryesisht vajza dhe gra. Nga te cilat, sipas Lindita Legisit, presidente e Dhomes Kombetare te Veshjeve, jane rreth 80 mije te cilet do te perfitojne direkt nga perjashtimi i tatimit te pages nen 30 mije leke, pra rreth 80% e totalit te tyre. Te cilet do te kene pas fuqizimit te ketij vendimi, rreth 2 mije leke me teper ne xhepat e tyre. Nderkaq, kujtojme se lidhur me biznesin fason, kryeministri Berisha ka ndermarre edhe nje nisme tjeter te rendesishme se fundmi, sic eshte ajo e heqjes se Tatimit te Vleres se Shtuar per makinerite, cka pritet te ndikoje shume ne rritjen e prodhimit te ketij sektori.