Euro e forte, Banka e Shqiperise nderhyn

Valuta evropiane, euro ka arritur vleren e 140 lekeve ne tregun e kembimit, kundrejt euros. Arsyet qe japin ekspertet ne zyrat e kembimit valutor, lidhen me mungesen e valutes ne treg dhe sidomos euros. Kohet e fundit kembimi i lekut me euron eshte luhatur ndjeshem. Ne fillim te muajit euro ka kushtuar 139 leke, me pas 134 leke, 136 leke dhe dje me shume se 140 leke. Ne fakt renia e lekut eshte duke i alarmuar operatoret e tregut, te cilet te frikesuar nga pritshmerite jane duke e blere euron dhe per rrjedhoje jane duke ndikuar ne forcimin e saj. Per te siguruar stabilitet ne tregun e kembimit valutor ne vendin tone, Banka e Shqiperise ka nderhyre sistematikisht ne treg per te ruajtur ekuilibrat. Banka e Shqiperise ne nje deklarate zyrtare ka lajmeruar dje, se ka nderhyre sistematikisht ne tre mujorin e dyte te vitit duke injektuar valute ne treg. "Per shmangien e crregullimeve ne tregun valutor, Banka e Shqiperise vazhdoi nderhyrjen ne kete treg, duke shitur valute ne masen 1.93 miliarde leke. Po keshtu Banka e Shqiperise gjate kesaj periudhe kane vijuar te realizoje veprime te shitjes dhe te blerjes se valutes me Ministrine e Financave. Keshtu, blerjet e valutes nga institucionet e huaja si (Agjencia Nderkombetare per Zhvillim (IDA), Fondi Monetar Nderkombetar (FMN)dhe Banka Nderkombetare per Rindertim dhe Zhvillim (IBRD)) llogariten ne 83.53 milione leke. Nderhyrjet e Bankes se Shqiperise kete vit jane perqendruar kryesisht ne injektimin e valutes ne treg, veprim ky qe ndikon pozitivisht ne ruajtjen e vlerave te lekut. Po megjithate monedha vendase, kete vit eshte nencmuar me me shume se 12 per qind ndaj euros per shkak te mungeses se valutes ne treg. Renia e te ardhurave nga emigrantet dhe ulja e eksporteve, kane bere qe prania e valutes ne tregun e brendshem valutor sidomos euros, te bien ndjeshem e per pasoje edhe vlera e lekut ne treg te shkoje drejt renies.