Euro rifiton piket ndaj lekut, dje 138

Monedha vendase leku ka humbur pike ne kembim me euron, ne ditet e para te janarit edhe me shume me ikjen e emigranteve. Leku eshte kembyer ne vleren e 138 lekeve dje nga 135 leke qe ishte gjate diteve te festave. Tregu i kembimit, perjetoi efektin e festave te fundvitit, ku monedha vendase u vleresua lehte ne kembim me monedhen e perbashket, euro. Prurjet e emigranteve ne valute, forcuan ne ditet e fundit dhe ne dy ditet e para te janarit monedhen vendase me 2 pike, duke e cuar kuotimin me euron ne 135.5 leke nga 137.5 leke qe ishte dy jave me pare. Ndersa dje euro i eshte rikthyer kembimit ne vleren e 137 lekeve per shkak se, flukset e shkembimit e eurove me leke kane rene. Raportet e lekut si ndaj euros ashtu edhe ndaj dollarit kane ndryshuar ndjeshem ne harkun e nje viti. Krahasuar me te njejten periudhe te nje viti me pare ndryshimet jane te ndjeshme. Nje vit me pare nje euro kembehej me 122.8 leke dhe nje dollar me 87.7 leke. Ndersa krahasuar me dy vite me pare raportet e kembimit jane edhe me te perkeqesuara ne disfavor te lekut. Ne janar 2008 dollari e kishte vleren 82.5 leke, kurse nje euro 122 leke. Edhe pse ka pasur nje norme me te ulur te konsumit dobesimi ekonomik duket se ka stimuluar kerkese te larte per valuta ne fundvit. Kesaj situate sic tregon kursi i kembimit nuk ka mundur ti bejne balle as prurjet e emigranteve. Ekspertet e Ekonomise presin nje vleresim te monedhes vendase ndaj euros ne gjate ketij viti, pasi sipas tyre me e keqja e efekteve te krizes globale ne ekonomine tone ka kaluar. Banka e Shqiperise nga ana e saj gjykon se nencmimi i tejzgjatur i monedhes vendase ndaj euros, do te ndikoje ne rritjen e cmimeve te konsumit per mallrat e importit.