FIFA e shfajëson për "dorën" me Irlandën

Tierri Henri nuk do të skualifikohet për "prekjen me dorë", që i dhuroi Francës kualifikimin në Botërorin 2010 në sfidën e kthimit "play-off" me Irlandën. Pasi atij episodi, FIFA kishte menduar të pezullonte lojtarin e Barcelonës për gjestin antisportiv: ai rrezikonte të mos luante në fazën e grupeve në Afrikën e Jugut. Megjithatë, sipas të përditshmes franceze, "L‘Equipe", ndaj Henri nuk do të merret asnjë masë ndëshkimore. Disiplinori pritet ta arkivojë çështjen, pasi në rregullore nuk parashikohet asnjë penalizim për raste të tilla.