FIFA i vendos ultimatum Dinamos për të paguar Ivansheviçin

Institucioni më i lartë i futbollit botëror, FIFA, i lëshon ultimatum skuadrës së Dinamos për t’i paguar 4 mijë euro futbollistit malazez, Branimir Ivansheviç. Malazezi ka qenë pjesë e bluve në periudhën janar-qershor 2006. Klubi Dinamo i mbeti borxh 4 mijë euro futbollistit, dhe ky i fundit bëri padinën në FIFA.

Nëse Dinamo nuk paguan shumën në fjalë brenda dy javësh, atëherë FIFA do të vendosë për të zbritur automatikisht një kategori më poshtë klubin kampion.