FOKUS – SHBA dhe Meksika bien dakord që tarifat e planifikuara të pezullohen për një muaj
UASHINGTON, 3 shkurt /ATSH-ANSA/ – Presidenti amerikan Donald Trump pezulloi tarifat ndaj Meksikës për një muaj pas bisedimeve të minutës së fundit, por ende nuk ka pasur përparim në negociatat me Kanadanë për një çështje që ka ngjallur frikën e një lufte tregtare globale.
Ndërsa tregjet botërore ranë, Trump dhe homologja e tij meksikane Claudia Sheinbaum njoftuan të dy lehtësime tatimore pasi ajo ra dakord të dërgonte 10 000 trupa në kufirin SHBA-Meksikë pas bisedimeve.
Trump tha në rrjetin e tij social Truth se pas “bisedës shumë miqësore ai kishte rënë dakord të pezullonte menjëherë tarifat e planifikuara për një periudhë prej një muaji”.
‘’Gjatë asaj kohe do të ketë bisedime të mëtejshme ndërsa ne përpiqemi të arrijmë një marrëveshje midis dy vendeve tona,” tha republikani.
Zhvillimi erdhi disa orë përpara se Trump të urdhëronte tarifat 25 për qind mbi importet nga fqinjët dhe partnerët kryesorë tregtarë të Shteteve të Bashkuara, plus një 10 për qind shtesë për Kinën, të cilat do të hynin në fuqi mesnatën e së martës.
Trump tha se ai foli gjithashtu me kryeministrin kanadez Justin Trudeau dhe do të fliste përsëri por Shtëpia e Bardhë tha se negociatat me Otava nuk po shkonin aq mirë.
Trump përsëriti pretendimet e tij të shpeshta se ‘’Shtetet e Bashkuara trajtohen në mënyrë të padrejtë nga tregtia, ndërsa shtyu argumentin e tij se tarifat kishin të bënin me një “luftë kundër drogës nga opioidet që derdheshin përtej kufijve të Meksikës dhe Kanadasë”. /os/