FOKUS – Tusk: Perëndimi të mbështesë Ukrainën përballë ndryshimit në politikën e SHBA-së

VARSHAVË, 21 shkurt /ATSH-AA/ – Kryeministri i Polonisë, Donald Tusk, i bëri thirrje Perëndimit që të mbështesë Ukrainën përballë ndryshimit të politikës së SHBA nën udhëheqjen e Presidentit Donald Trump, për Ukrainën.

Në një postim në platformën e mediave sociale X, Tusk ftoi vendet perëndimore të mbështesin Ukrainën.

Duke komentuar se “Vendosja e Ukrainës në dorëzim me forcë do të nënkuptonte dorëzimin të gjithë komunitetit perëndimor”, Tusk u shpreh se “Askush të mos veprojë sikur nuk e sheh këtë”.

Postimi i Tusk erdhi pasi Trump akuzoi presidentin ukrainas Volodymyr Zelensky si “diktator”.

Presidenti amerikan Trump, në deklaratën e tij lidhur me Zelenskyn, pretendoi se luftën e filloi Zelensky dhe se nuk bëri asgjë më pas për ta ndaluar atë./ /os/