FRESSH e LRI: I turpshem fjalori i Berishes
Forumet rinore te dy partive kryesore opozitare, PS e LSI, protestuan dje lidhur me incidentin mes Kryeministrit Berisha dhe deputetit socialist, Balla. FRESSH e zhvilloi protesten e tij perpara dyerve te Parlamentit pergjate kater oreve. Nderkohe qe LRI nga ana e saj zgjodhi bulevardin perpara Kryeministrise per te denuar kete incident, si dhe duke cilesuar si te turpshem, fjalorin e perdorur nga Kryeministri i vendit. Te rinjte socialiste te mbledhur perpara Kuvendit mbanin ne duar pankarta, ku shkruhej "Turp z. Kryeminister!", " Po mua, cfare do te me beni z. Berisha?". Ne deklaraten e dhene prej FRESSH thuhej se eshte e turpshme qe ende sot, pas ngjarjeve te vitit 1997 dhe pas tragjedise se Gerdecit, ky Kryeminister i pashembullt dhe pa asnje norme te edukates apo njohuri te institucionit qe perfaqeson, ende vazhdon te ofendoje dhe shaje pa asnje barriere, nje perfaqesues te popullit shqiptar. "Si qytetare, ndjehemi jo vetem thellesisht te fyer, por edhe realisht te rrezikuar. Nese Sali Berisha arrin te perdoret ofezat me te renda duke prekur drejtpersedrejti familjaret e nje deputeti, e pas kesaj ai arrin ta kercenoje ate, cfare mund te me beje mua, qe jam nje qytetar/e i/e thjeshte, pa privilegje e pa imunitet? Tashme ky Kryeminister eshte kthyer ne rrezik ambulant per kedo", deklaruan te rinjte, gjate protestes se tyre.