Fabregas e do Kupën e Spanjës

Pasi dështoi ta fitonte titullin e kampionit në La Liga dhe Ligën e Kampionëve, Cesc Fabregas synon ta fitojë Kupën e Spanjës (Copa del Rey) me Barcelonën të premten.

Mesfushori spanjoll beson se ekipi i tij do të jetë i gatshëm fizikisht dhe mentalisht, edhe pse e pranon se e pret një lojë e vështirë me Athletic Bilbaon.

“Ne jemi të përgatitur dhe të gatshëm për finale. Nuk është normale të presim një kohë të gjatë pa luajtur. Por, ne i kemi mbushur bateritë dhe mezi presim të luajmë. Nuk mendoj se ata janë më të motivuar se ne. Ne jemi të uritur për trofe”, theksoi Fabregas.