Prokuroria, gati te gozhdoje shfrytezuesit e futbollit
Prokuroria pret reagimet nga ana e paleve te interesuara per te nisur hetimet ne fushen e sportit ne kuader te nismes “Me kembe te pastra”. Vetem nje dite pas reagimit te organit te akuzes, behet e ditur se hetimet do te fillojne shkalle-shkalle. Sindikata e prokuroreve do te prese reagimin e paleve te interesuara ne lidhje me skandalin e krijuar ne futboll. Sekretari i Pergjithshem i kesaj sindikate, Shkelqim Hajdari, ka bere te ditur dje per gazeten “Koha Jone” se fillimisht do te priten reagimet nga ana e Ministrise se Kultures, Rinise dhe Sporteve me pas do te vendoset se cfare do te behet. Sipas tij, hetimi, i cili ka nisur kryesisht, do te jete i perqendruar per zbulimin e plote te kesaj ngjarjeje. Nderkohe qe ne shenjester do te jene te gjithe personat e dyshuar. Skandali i financimit te ndeshjeve nga veprimtari kriminale u zbulua menjehere pas arrestimit te 61 personave me 41 kilograme lende narkotike e llojit kokaine. Nderkohe qe nga hetimet e pare rezultoi se nje pjese e fitimeve shkonte ne financimin e ndeshjeve te futbollit. Kjo gje ka bere te mundur edhe nisjen e nje hetimi nga ana e Prokurorise se Tiranes me sloganin “Kembet e pastra”. Nderkohe qe deri me sot nuk behet e ditur nese ka persona te implikuar. Gjithashtu, behet e ditur se do te verifikohen te gjitha rastet e ndeshjeve te zhvilluara ne vendin tone per te pare nese ka pasur abuzime, shitje ndeshjesh apo edhe sponsorizime te tjera nga kjo organizate kriminale.
R.Caushaj