Falsifikoi diplomen, nen hetim mesuesja

Nje arsimtare ne shkollen nentevjecare te fshatit Drize, ne rrethin e Kucoves, dyshohet se ka falsifikuar diplomen e arsimit te larte, me qellim punesimin ne kete sektor. Burime nga Drejtoria e Policise se Qarkut te Beratit bene te ditur dje se ka filluar procedimi penal ne gjendje te lire ndaj Bukurie Sulovarit, mesuese e ciklit te ulet. Arsimtarja 43-vjecare dyshohet se ka falsifikuar diplomen e shkolles se larte, e cila mban vulen e Universitetit "Aleksander Xhuvani", te qytetit te Elbasanit. Burime nga Drejtoria Arsimore Rajonale e Beratit bene te ditur dje per "Koha Jone" se Bukurie Sulovari, me banim ne fshatin Kozare, te qarkut te Beratit, eshte punesuar ne arsim ne vitin 1997. Gruaja kish mundur te fitonte vendin e saj te punes, pasi kish deklaruar perfundimin e shkolles se larte ne Elbasan ne vitin 1997. Ajo u emerua ne shkollen e fshatit Drize, ku jep mesim prej 11 vjetesh. Gjate gjithe kesaj kohe askush nuk ka dyshuar per mesuesen, e cila jepte mesim, ndonese kishte vetem shkollen e mesme. Gruaja 43-vjecare do te hetohet ne gjendje te lire per vepren penale te "falsifikimit te dokumenteve te shkolles", nderkohe qe materialet e kesaj ceshtjeje mberriten prane organit te akuzes.

Dukuria masive e '97-es

Kontrollet e zhvilluara gjate dy viteve te fundit ne shkollat e Qarkut te Beratit kane zbuluar dhjetera raste te diplomave universitare te falsifikuara. Nisma eshte ndermarre nga Drejtoria Arsimore Rajonale, e cila ka vendosur te kaloje "ne site" te gjitha diplomat e mesuesve te ketij qarku. Nje pjese ka rezultuar me diploma false, te siguruara kryesisht gjate trazirave te vitit 1997.

E. Hazizolli