Konflikti i vjeter, e qellon me arme ne sy te gruas

Nje 28-vjecar, nga rrethi i Tepelenes, eshte qelluar me pistolete brenda nje furgoni pasagjeresh, ndersa udhetonte se bashku me te shoqen. Ngjarja ka ndodhur paraditen e djeshme, ne aksin rrugor qe lidh komunen e Lopesit, ne rrethin e Tepelenes me ate te Sevasterit, ne rrethin e Vlores, rreth 1 kilometer larg fshatit Sinanaj. Sipas burimeve zyrtare ne Drejtorine e Policise ne Gjirokaster, "Taulant Licaj, lindur dhe banues ne Dhemblan te Tepelenes, eshte qelluar me arme zjarri ndersa po udhetonte ne nje furgon udhetaresh". Policia tha se krimi ka ndodhur pas nje konflikti te dy javeve me pare mes viktimes dhe autorit. Deshmitaret ne vendngjarje kane treguar se nje i ri i ka prere rrugen furgonit tip "Ford", me targa VL 2118 B, i cili ben 3 here ne jave taksi rrugen Vlore-Lopes. "Personi ne fjale mbante nje pistolete ne dore dhe me kercenoi qe te ndalja makinen", i ka pohuar shoferi i furgonit policise. Ne ate moment ne automjet udhetonin kater pasagjere. Sipas deshmitareve okulare, personi me arme ne dore pasi ka dalluar mes pasagjereve 28-vjecarin Licaj, e ka qelluar me nje plumb dhe eshte larguar menjehere". Te terrorizuar nga ngjarja, shoferi i furgonit dhe pasagjeret kane lajmeruar policine e Tepelenes. Efektivat e policise, pasi kane mberritur ne vendngjarje, kane transportuar per ne spital te plagosurin, nderkohe qe grupi hetimor ka filluar mbledhjen e provave te para ne lidhje me identifikimin e autorit te plagosjes. T. Licaj i plagosur ne supin e djathte, eshte transportuar per ne spital dhe pas marrjes se ndihmes se pare mjekesore ndodhet jashte rrezikut per jeten. Nderkohe pas marrjes ne pyetje te te plagosurit dhe personave qe udhetonin ne fugon eshte bere i mundur edhe identifikimi i personit, i cili ka qelluar me arme zjarri, por policia nuk ka bere te ditur emrin e tij per arsye te sekretit hetimor.

Blerim Kore