Faruk Sejdini: “Fitore e çmuar me kryesuesen”

"Një fitore e vuajtur? Fitorja është fitore dhe në momentet që ndodhej Dinamo ishte fort e cmueshme. Megjithatë ishte një fitore e vuajtshme, pasi nuk ka fitore të lehta. Luanim me ekpin që kreson kampionatin dhe duke përfituar nga rasti dua të them se Shkumbini është një ekip që e meriton këtë vend. Ka një shpirt luftarak shumë të mirë dhe organizim po të tillë. Loja ishte e hapur. Paraqitja e Jupit? Që të jem realist dua të them se e futa pasi është një lojtar që unë e njoh si në anën psikologjike dhe në atë profesionale. U konsultova me të dhe për të ditur sa i stërvitur ishte për të marrë edhe inisjativën për ta futur në lojë. Mendoj se hera e parë e justifikoi plotësisht dhe e idha ekipit goxha frymëmarrje në momente të caktuara të lojës atëherë kur kishim nevojë për organizim. Është një lojtar shumë i vlefshëm dhe në të ardhmen do të na bëjë goxha punë për të ndihmuar ekipin dhe për të arritur atje ku janë dhe objektivat tona."