Fatmir Limaj edhe 60 ditë në arrest shtëpiak

Fatmir Limaj duke hyrë në Gjykatën e Qarkut në Prishtinë

PRISHTINE- Fatmir Limaj do të qëndrojë edhe 60 ditë në arrest shtëpiak.

Lajmi është konfirmuar nga e përditshmja kosovare Express nëpërmjet avokatit të Limajt, Tahir Rrecaj.

Rrecaj është shprehur për Express se nuk ka bazë ligjore për vazhdimin e masës së arrestit dhe për këtë ka ushtruar ankesë në Gjykatën Supreme”, vendimi e së cilës eshte duke e pritur.

Ndaj deputetit Limaj dhe nëntë personave tjerë, EULEX-i ka ngritur një aktakuzë që i ngarkon ata për krime lufte kundër popullatës civile dhe robërve të luftës, në fshatin Kleçkë. Seanca gjyqësore për rastin Kleçka pritet të fillojë më 11 nëntor.