Ferguson: Do ta mundim Barcelonën

Sër Aleks Ferguson, trajneri i Mançester Junajtid, u shpreh mëse i bindur në fitoren e ekipit të tij në finalen e Ligës së Kampioneve ndaj Barcelonës më 28 maj. “Kam në mendje 4 formacione, të cilat mund t’i hedh në fushë dhe që Barcelona nuk do të arrijë dot t’i mundë. Gjithsesi, ende nuk kam vendosur se kush do të luajë në finale”, u shpreh Ferguson në një intervistë për televizionin zyrtar të Mançester Junajtid. “Ata lojtarë që kanë qenë të rëndësishëm gjatë këtij sezoni të Ligës së Kampioneve do të luajnë në finale dhe unë besoj se do të fitojmë kupën”, shtoi trajneri legjendar skocez.