Ferguson: Nuk kemi nevojë për lojtarë të rinj

Menaxheri i Manchester United, Sir Alex Ferguson, nuk planifikon të sjellë lojtarë të rinj në ekip në afatin kalimtar të janarit. "Nuk mendoj se do të bëjmë ndonjë transferim në janar, jam i kënaqur me atë që kam. Me siguri do të rikthejmë disa prej futbollistëve të rinj të dhënë si huazim", ka thënë Ferguson. "Unë i mora 23 futbollistë në Japoni dhe të gjithë ata janë mjaft të rëndësishëm. Do të isha i lumtur të luaja me secilin prej tyre", ka shtuar skocezi.