Ferguson: Ronaldo mund të rikthehet te Mançesteri

Aleks Ferguson beson se dashuria e
Kristiano Ronaldos për Mançester Junajtid
mund ta rikthejë atë sërish në "Old
Trafford". Ronaldo, i blerë për shumën
rekord të 80 milionë paundëve, bëri debutimin
e tij te Real Madrid në miqësoren e
fi tuar 1-0 me gol të Benzema në Shamrok.
Bosi i Junajtid, Ferguson, deklaroi: "Ai
mund të kthehet, kurrë nuk i dihet. Ai e
dashuronte Junajtid, ai e dashuronte këtë
klub. Nëse kthehesh të shohësh pas, në
6 vitet që kaluam bashkë, asnjëherë nuk
mungoi në stërvitje. Ai erdhi në klubin e
duhur në momentin e duhur për karrierën
e tij. Mund të kishte zgjedhur Realin ose
Barcelonën. Por bëri zgjedhjen e duhur".
Ferguson e di se rivalët për titull të Mançester
Junajtid po i gëzohen faktit se, ai
humbi yllin e tij. Ferguson e pranon këtë
kur deklaron: "Kjo transfertë do t‘u japë
kurajë disa skuadrave. Ata të gjithë do të
jenë të kënaqur që ne humbëm Ronaldon,
kjo nuk diskutohet. Nuk ka dyshim, që
është një humbje e madhe për ne. Nuk
do të jetë njëlloj pa Ronaldon dhe nuk
ka se si të jetë. Nuk ka dyshim se ai është
futbollisti më i mirë në botë. Është shumë
më i mirë se Mesi dhe Kaka. Absolutisht,
shihni lëvizjet e tij janë të pabesueshme.
Intuita që ka për golin, sulmi në zonë,
pozicionimi, gjuajtja me kokë, goditjet,
janë të pabesueshme. Me e mira e tij ende
nuk ka ardhur, është vetëm 24 vjeç. Ne do
të jemi një skuadër tjetër pa të, duhet të
jemi më kompaktë. Do të kemi një tjetër
mesfushë. Ronaldo nuk mendonte shumë
për t‘u mbrojtur. Por këtë as nuk ishte
nevoja për ta menduar, pasi ai i jepte një
tjetër sens sulmit".