Ferrari do të prezantohet më 28 janar

Lajmin e ka bërë të ditur një nga drejtuesit më të lartë të skuderisë nga Modena, Stefano Domenikali. E gjithë ceremonia e prezantimit të “Kokëkuqes” do të transmetohet direkt në faqen e skuderisë në internet.“Duam të rikthehemi në nivele të larta dhe të jemi konkurrues. Objektivi ynë është ta nisim mirë dhe t’u ofrojmë pilotëve makina me të cilat të kenë mundësi të rivalizojnë që në fillim. Më pas do të vazhdojmë me zhvillimin e motorit”, u shpreh Domenikali.