Festat e fundvitit, fillon levizja e lire

Qarkullimi nderkufitar i njerezve dhe mjeteve ne doganen e Kapshtices ne rrethin e Devollit, ka qene normal ne diten e djeshme, kur fillon dhe aplikimi i levizjes se lire te emigranteve, qe vijne ne atdhe me rastin e festave te fundvitit. Nje vendim i qeverise greke, lejon levizjen e lire te emigranteve nga data 10 dhjetor deri me 30 janar te vitit te ardhshem, per te festuar ne atdhe festat e Krishtlindjeve dhe te Vitit te Ri. Brenda ketij afati, pritet nje qarkullim prej me shume se 50 mije emigrantesh ne te dy anet e kufirit. Nderkaq, policia kufitare ne Kapshtice ka marre masat qe te lehtesoje hyrjen e emigranteve ne dogane. Aktualisht, funksionojne 2 sportele per vendosjen e vulave hyrese ne pasaportat e emigranteve, si ne ditet normale te qarkullimit te njerezve ne kete dogane, por ne varesi te shtimit te numrit te tyre jane parashikuar te funksionojne deri ne 7 sportele. Edhe nga pala greke do te jene ne sherbim deri ne 5 sportele, per te perballuar me ritme me te larta pune, hyrjen e emigranteve ne atdhe gjate kohes kur ata do te udhetojne ne te dy anet e kufirit.