Festat e fundvitit pasurojne tregtaret
Tatimoret: Nuk po frenojme dot rritjen e cmimeve
Gjobiten 55 subjekte tregtuese, te tjeret nuk heqin dore nga cmimet e larta
Kontrollet e administrates tatimore nuk po trembin tregtaret per rritjen e cmimeve te produkteve ushqimore ne prag te festave te fundvitit. Jane vete zyrtaret e administrates tatimore, te cilet pohojne se levizja e cmimeve vazhdon te jete ende e pranishme ne tregjet shqiptare, duke perfshire ketu edhe rritjet abuzive te kryera nga tregtaret. Administrata tatimore pohon se e vetmja rruge ligjore qe mund te zbatohet ne kete rast, eshte te mbahen nen "presion" tregtaret ne baze te rivleresimit te deklarates tatimore per te frenuar sadopak rritjen e cmimeve. Drejtori i pergjithshem i Drejtorise se Policise Tatimore, Besnik Cobaj, ne nje intervistes per gazeten "Korrieri" pohon se edhe per kete vit luhatjet e cmimeve jane te pranishme, ku sipas tij, nje nga arsyet e cmimeve te larta eshte edhe rritja e kerkeses per produkte. Cobaj nuk fsheh faktin qe ne tregjet shqiptare vazhdon te shenohet rritje e cmimeve, por duke e krahasuar me muajin e meparshem, rritja nuk eshte ne vlera te larta. "Deri tani ne kemi kontrolluar 1500 subjekte dhe nga keto inspektime eshte konkluduar se ka luhatje te cmimeve, situate kjo e cila ka qene e pranishme qe ne fillim te muajit dhjetor. Me punen qe po kryejme, mendojme qe blerjet e fundvitit t'iu kushtojne qytetareve ne te njejtat vlera si dhe per festat e meparshme", thote Cobaj. Por administrata tatimore nuk eshte mjaftuar vetem me kryerjen e kontrolleve, por prej saj jane vendosur gjoba ndaj tregtareve. Sipas zyrtarit te administrates tatimore, jane vendosur 40 gjoba biznesit te vogel ne vleren e 10 mije lekeve te reja, si rezultat i mosafishimit te cmimeve. Po ashtu, nga ana e tatimoreve gjoba jane vendosur edhe mbi biznesin e madh nga kontrolli, ku ka rezultuar mospagesa e tatimit mbi vleren e shtuar. Cobaj pohon se jane vendosur gjoba ne 15 biznese te medhenj, sanksione keto te cilat kapin vleren e 50 mije lekeve te reja. Po ashtu, nga ana e tatimoreve jane kryer 30 akte sekuestrimesh per vere, kafe dhe prodhime te ndryshme ushqimore, per shkak te mospajisjes me fature te TVSH-se. Sakaq, tatimoret kane ne verifikim edhe 700 akte te tjera. Platforma e kontrolleve qe po zbatojne tatimoret, nis me mbajtjen e akteve te verifikimit, ku shenohet cmimi i mallit dhe ku ne fund te muajit kryhet rivleresimi i deklarates tatimore. Hetimi i akteve verifikuese fut ne gracke ata tregtare te cilet kane shitur mallrat e tyre me cmime me te larta nga ato qe eshte deklaruar, duke bere qe te paguajne tatim-fitimin e te gjithe muajit mbi kete cmim. Mbi 7 grupe te "Task Force" prej me se 1 muaji kane nisur inspektimet intensive ne tregjet e tregtimit te mallrave me shumice dhe pakice ne vendin tone, por rritja e cmimeve vazhdon te jete ende e pranishme.