Festivali lozonjar pushton Prishtinën për së dyti
Java e Fëmijëve hapet zyrtarisht sot (e hënë) në orën 17:30. Fëmijët pjesëmarrës do të përshëndeten në ceremoninë e hapjes nga Kjartan Björnsson, shef i Operacioneve në Zyrës Ndërlidhëse të Komisionit Evropian në Kosovë, Ministri i Kulturës, Rinisë dhe Sporteve Memli Krasniqi, Drejtoresha e SOS Fshatrat e Fëmijëve Nezahat Salihu dhe një përfaqësues i Komunës së Prishtinës.
Përveç punëtorive origjinale dhe edukative, një përzgjedhje tërheqëse me performues nga e gjithë bota do të zbavitin fëmijë dhe të rritur gjatë Javës së Fëmijëve.
Metroccolis, një dyshe performuesish e famshme nga Gjermania do të performojnë numrat e tyre unike të pantomimave dhe robotëve. Me një përvojë 15 vjeçare, ata do të ofrojnë art jo-verbal, një shfaqe të gjatë teatrale, instalacione në ambient të hapur dhe skeçe të shumta pantomime.
Dyshja do t’i mbajnë kostumet dhe skenën në minimum dhe do të përqendrohen në thelbin e pantomimës, aftësive trupore dhe teknikave të tyre.
Në Prishtinë, po vjen edhe Komandanti i Hapësirës Hotch Chmarzinski (ose David Cassel) bërës i budallallëqeve dhe mbrojtës i të zakonshmes, dhe Kampion i Befasisë.
Ai do të paraqesë aftësitë e tij mbinjerëzore, do të themelojë një akademi për stërvitjen e superheronjve (për të dhënë një shembull të mirë) dhe, në një finale origjinale, që të lë pa frymë, do t’i tregojë publikut se mund të fluturojë. Performancat e tij janë esenca e thjeshtësisë elegante me akrobaci, magji, ekuilibër, kërcime, gjeometri dhe një markë të veçantë të bashkëveprimit me publikun.
Davidi ka udhëtuar në rrymën e kohës duke shfaqur idetë dhe shfaqjet e tij të ndryshme para qytetarëve të më shumë se 35 vendeve në mbarë botën. Ai është fituesi i shumë çmimeve ndërkombëtare, përfshirë edhe Performuesi Evropian i Vitit në Ambient të Hapur në Rotterdam Straatfestival, Holandë.
Lista e Festivalit me artiste unikë dhe mahnitës vazhdon dhe plotësohet me 11 performues të tjerë nga Shqipëria, Bullgaria, vende të tjera nga regjioni, edhe më tej.