Fier, administrata publike braktis zyrat për fushatë

Kur na ndajnë edhe pak javë nga data 28 Qershor, dita kur shqiptarët do tu drejtohen kutive të votimit për të nxjerrë 140 deputetët e Parlamentit Shqiptar, zyrat e administrative të institucioneve shtetërore çdo ditë e më tepër gjenden të boshatisura. Pothuajse çdo ditë që zhvillohen takime elektorale me kandidatët për deputet një përfaqësi e institucioneve të të dy krahëve politikë i shoqërojnë për të organizuar takimet elektorale. Pothuajse në çdo takim që zhvillohet si brenda vijës së verdhë edhe nëpër komuna e fshatra, punonjësit e administratës i gjen në takime për të siguruar pjesëmarrjen. Kjo mungesë ka sjellë edhe fluks dhe pakënaqësi tek qytetarë të cilët presin për të marrë një përgjigje apo dokument që u duhet. Ndërsa punonjës të administratës, të cilët padyshim që kërkojnë ruajtjen e anonimatit, shprehen për gazetën se ky largim në orët e punës është një detyrim nga eprorët të cilët organizimin e mirë të fushatës e kërkojnë tek punonjësit.