Filluan zgjedhjet ne Greqi

Prej ores shtate te mengjesit ora lokale jane hapur kutite e votimit ne Greqi. Rreth 9800000 greke votojne sot per kandidatet e pushtetit lokal duke zgjedhur 325 kryebashkiake te rinj dhe 13 kryetare te qarqeve sipas ndarjes se re administrative ne vend. Gjithashtu do te zgjedhin 713 keshilltare qarku dhe 9257 keshilltare bashkie.

Rezultati i ketyre zgjedhjeve konsiderohet teper i rendesishem. Vete kryeministri grek Papandreu deklaroi dje se ato jane nje referendum per qeverine e tij dhe ka kerkuar votebesimin e bashkeqytetareve te tij per vazhdimesine e reformave dhe zbatimin e masave antikrize.

Por nese ne mbremjen e se dieles do te rezultoje qe vota e tyre do te jete nje mesazh proteste ai ka deklaruar hapur se ne kete rast vendi do te shkoje ne zgjedhje te parakohshme parlamentare.

Ky paralajmerim ka rritur zerat brenda dhe jashte Greqise se vendi pavaresisht masave po shkon drejt nje falimentimi te sigurt.
Per here te pare ne keto zgjedhje votojne vetem per kandidatet e bashkive edhe emigrantet shqiptare te cilet jane te pajisur me leje afatgjate qendrimi dhe kane mundur te regjistrohen ne listat e votimit ne afatin e duhur.

Kutite e votimit mbyllen ne oren 7 te mbremjes ndersa rreth ores 21 e 30 ora lokale priten rezultatet e para zyrtare te numerimit te 10 te votave ne rang vendi.