Finalja per femra bjellorusja Azarenka triumfon ndaj ruses Sharapova
Viktoria Azarenka ka triumfuar në Turneun Master Series të tenisit për femra, duke mundur në finale tenisten ruse Maria Sharapova. Bjellorusja, e cila fiton për të dytin vit radhazi trofeun e kompeticionit që zhvillohet në Florida të Amerikës, ka dominuar në dy sete (6-1 6-4) ndaj ish-numrit një të botës për tenisin për femra.
Sharapova, e cila vazhdon të vuajë formën e saj jo të mirë që nga dëmtimi që e mbajti larg fushave për një kohë të gjatë, zhvilloi një lojë të dobët duke regjistruar 43 gabime në finalen e turneut amerikan. Azarenka do të tregohej shumë e saktë me goditjet e saj që në setin e parë të ndeshjes duke e mbyllur atë me avantazhin e thellë 6-1.
Rezistenca e Sharapovës në setin e dytë nuk i ka mjaftuar ruses, e cila përsëri ka vuajtur saktësinë e kundërshtares së saj. Azarenka do të dominonte serish duke e mbyllur setin e fundit në shifrat 6-4 dhe në të njëjtën kohë ka siguruar trofeun në Turneun Soni Erikson Open, për të vitin dytë radhazi. Një sukses i rëndësishëm për tenisten bjelloruse, e cila është ngjitur në vendin e gjashtë të renditjes botërore të tenisit për femra.
Nertan Prifti
Sharapova, e cila vazhdon të vuajë formën e saj jo të mirë që nga dëmtimi që e mbajti larg fushave për një kohë të gjatë, zhvilloi një lojë të dobët duke regjistruar 43 gabime në finalen e turneut amerikan. Azarenka do të tregohej shumë e saktë me goditjet e saj që në setin e parë të ndeshjes duke e mbyllur atë me avantazhin e thellë 6-1.
Rezistenca e Sharapovës në setin e dytë nuk i ka mjaftuar ruses, e cila përsëri ka vuajtur saktësinë e kundërshtares së saj. Azarenka do të dominonte serish duke e mbyllur setin e fundit në shifrat 6-4 dhe në të njëjtën kohë ka siguruar trofeun në Turneun Soni Erikson Open, për të vitin dytë radhazi. Një sukses i rëndësishëm për tenisten bjelloruse, e cila është ngjitur në vendin e gjashtë të renditjes botërore të tenisit për femra.
Nertan Prifti