Fitou rithekson mbështetjen e Francës për integrimet e Kosovës

Zëvendëskryeministrja e Kosovës, Edita Tahiri ka pritur të martën në një takim ambasadorin e shtetit të Francës , Jean-François Fitou, me ç’rast kanë diskutuar lidhur me procesin e integrimit të Kosovës në strukturat euroatlantike si dhe për dialogun teknik i cili po zhvillohet në Bruksel.

Në këtë rast, siç njofton Zyra për informim e Qeverisë, Tahiri ka folur për përkushtimin e Qeverisë së Kosovës në funksion të integrimeve euroatlantike, dhe përmirësimit të jetës se qytetarëve.

Nga ana tjetër ambasadori francez në Kosovë, Jean-François Fitou tha se Franca mbështet zhvillimin e shtetit të Kosovës në rrugën e saj drejt integrimeve të plota në struktura euroatlantike.

Fitou e ka çmuar angazhimi për dialogun teknik dhe sugjeroj që të dyja palët duhet vazhduar dialogun.

Zv.kryeministrja Edita Tahiri tha se marrëveshjet duhet zbatuar plotësisht nga ana e Serbisë që nënkupton heqjen e barrikadave dhe ndërhyrjeve të Serbisë në veri të vendit tonë.

Gjithashtu në takim u tha se perspektiva evropiane e Ballkanit perëndimorë është në interes të paqes dhe stabilitetit të qëndrueshëm në rajon.

Të dy palët u pajtuan për forcimin e mëtejmë të marrëdhënieve midis Kosovës dhe Francës, dhe u zotuan të vazhdojnë të jenë të përkushtuara për të bashkëpunuar edhe në të ardhmen.