Flamengo nuk e do Decon

Flamengo ka mohuar spekulimet rreth transferimit të mesfushorit të Chelseas, Deco.

Më herët gjatë kësaj jave, reprezentuesi portugez me origjinë braziliane kishte thënë se planifikon të kthehet në Brazil në fund të sezonit, pas përfundimit të Kampionatit botëror.

Flamengo spekulohej se mund të jetë i interesuar, por nënkryetari i klubit, Marcos Braz, ka thënë: “E di se lajmi është publikuar në Angli, por kjo nuk ka kuptim. Aktualisht futbollisti nuk zë vend në planet tona”.