Flasin ndertuesit: S’ka treg per apartamentet te Liqeni

Shoqata e Ndertuesve rreshtohet kunder ndertimit te kompleksit ne zonen prane liqenit artificial, ku jane parashikuar pallate shumekateshe, te cilet ne total do te kene 20 mije apartamente. Perfaqesuesi i kesaj shoqate, Ilir Hebovija thote se tregu i ndertimeve duhet te orientohet jashte kryeqytetit, duke ofruar qendra te reja urbane pasi ne Tirane jane tejmbushur hapesirat publike. Gjithashtu, ai shton se ne kryeqytet vazhdojne te jene ende 4 mije apartamente te pa shitura qe do te thote se tregu ne nje periudhe afat shkurter nuk do kete nevoje per apartamente te reja. Ne kete logjike, ndertimi i pallateve ne te vetmin park te gjelber qe i ka mbetur Tiranes, duket i pakuptimte edhe per vete ndertuesit. Ne te njejten kohe, shoqata e ndertuesve eshte shprehur edhe njehere se ndertimi e ketyre apartamenteve te banimit, eshte jashte interesit dhe te vete ndertuesve, pasi nuk ka asnje oferte per te blere keto ndertime. Nga ana tjeter, debatet qe kane shperthyer per ndertimet te Liqeni, nuk i kane shpetuar as ambjentalisteve. “Ky eshte nje nder 3 projektet me te cmendura ne bote”. Kjo ka qene deklarata e Sazan Gurit, i cili tregon se cfare kaosi do te sjelle zbatimi i ketij projekti ne kete zone. Thelbi i shnderrimit nuk do te jete vetem krijimi i nje plazhi, por edhe i qendrave tregtare, zyrave, bankave etj. Ketyre ndryshimeve do t'u nenshtrohet Zona "C" prane Diges se Liqenit. Ajo shtrihet ne pjesen jugore te Tiranes, ne veri te Liqenit Artificial dhe perfshin gjithashtu zonen e kopshtit botanik, "Klubin Dinamo", "Kompleksin e pishinave", "Bregun e Liqenit" si dhe nje pjese te Parkut te Madh te Liqenit. Projekti i Bashkise per te ndertuar pallate shumekateshe ne kete park ka ngjallur nje debat te madh publik e politik, ku ndaj kryetarit te bashkise jane hedhur edhe akuza publike per marrje rrafsheti ne dhenien e lejeve te ndertimit ne kete zone.