Forcat e Gadafit vrasin 22 persona në Misrata

Zyrtarët mjekësor dhe dëshmitarët thonë se forcat e liderit libian, Muamer Gadafi, kane vrarë së paku 22 persona gjatë bombardimit të qytetit, Misrata.

Forcat e Gadafit kanë rinisur bombardimin në afërsi të Misratës, të mërkuren. Qyteti është një nga vendet e pakta që rebelët e mbajnë nën kontroll në pjesën perëndimore, ndërsa në të është i ndërtuar porti më i madh i vendit.

Forcat e Gadafit e kanë rrethuar Misratën në të gjitha anët, me përjashtim të anës veriore, ku qyteti ka afrim në Detin Mesdhe për furnizim me ushqime nga porti i qytetit.