Formulari A2, mbeten pezull maturantet
Edhe pse Ministria e Arsimit dhe e Shkences ka vetem 9 dite kohe per te hartuar formularin A2 si dhe udhezimin perkates, ajo ende nuk e ka filluar punen per nje gje te tille. "Jemi shume heret. Kemi plot kohe per ta bere formularin", thane dje burime nga Ministria e Arsimit dhe e Shkences, duke harruar me sa duket se rregullorja e Matures Shteterore percakton daten 1 prill si diten kur te gjithe maturantet duhet te kene ne dore formularin A2. Specialistet e MASH e kane justifikuar nje neglizhence te tille me faktin se gjate vitit te kaluar, ne kete periudhe nuk ishte pergatitur ende formulari A1, e jo me formulari A2. Rregullorja e sivjetshme kishte disa risi qe pretendonin te shmangnin vonesat e krijuara vitet e kaluara. Megjithate duket se nuk eshte e thene qe te ndodhe nje gje e tille.
Asgje gati
Sipas rregullores se Matures Shteterore, brenda dates 1 prill, Ministria e Arsimit duhet te kete perfunduar se hartuari gormularin A2 si dhe udhezimin perkates te tij. Megjithate, duket se ky dikaster duket se as qe e kane vene ujin ne zjarr per te plotesuar nenin 21, pika 1 dhe 2 te rregullores. "As nuk jemi mbledhur qe ta shqyrtojme projekt-formularin, dhe as kemi kryer asnje veprim ne funksion te hartimit te tij", thone burime zyrtare nga Ministria e Arsimit dhe e Shkences. Kesisoj, ato konfirmojne se Formulari A2, ku maturantet do te mund te "prenotojne" degen ku duan te kryejne studimet e larta, nuk eshte ne rruge te mbare.
1 prilli
Me 1 prill, per ironi te fatit, ne diten e genjeshtrave, eshte planifikuar qe cdo maturant te kete ne duart e tij formularin A2 te hartuar si dhe me udhezuesin perkates, i cili do te shpjegoje se si duhet plotesuar ai, bashkengjitur me afatet. Sipas specialisteve qe jane caktuar pikerisht per nje gje te tille, eshte ende shume heret per te folur per formularin A2. "Gjate vitit te kaluar, ne kete periudhe neve nuk kishim ende gati formularin A1, e jo me per A2 qe nuk behet fjale", thane burime zyrtare te Ministrise se Arsimit dhe Shkences. Kesisoj, duket se specialistet e ketij dikasteri operojne ende me rregulloren e Matures Shteterore 2007, e cila kishte afate me te vonshme per dy formularet.
Vonesat
Rregullorja e vjetshme parashikonte afatin deri me 6 prill, pra dy muaj me vone se ne kete vit per hartimin e formularit A1. Ndersa duke iu referuar ketyre afateve te vjetshme, Ministria e Arsimit e ka marre punen me nge, duke deklaruar se ka plot kohe per ta bere nje gje te tille. Ndersa cdo dite qe kalon ngushton edhe afati e percaktuar per hartimin e ketij formulari dhe te udhezuesit te tij. Rregullorja e matures Shteterore 2008, percakton se dhe per sa i perket formularit A2 do te pergatiten deri me 1 prill, i cili duhet plotesuar brenda dates 30 Qershor. Aktualisht, shkollat po pergatisin formularet A1 te plotesuar per t'i derguar Drejtorise Rajonale Arsimore perkatese dhe Zyres Arsimore brenda dates 25 Mars, se bashku me fotokopjen e tabeles se regjistrimeve dhe me tabelen e plotesuar permbledhese te te dhenave te formulareve.
Kodet
Cdo maturant qe do te perfshihet ne provimet e Matures Shteterore 2007-2008 do te kete nje numer te vecante regjistrimi qe do te percaktohet nga Agjencia e Vleresimit te Arritjeve te Nxenesve. Hartimi i kodeve do te behet pas rishikimit te formulareve A1 qe jane plotesuar nga nxenesit prane shkollave te tyre. Njohja e maturanteve me numrat e tyre te regjistrimit do te behet nje dite pasi te jete mbyllur dhe procesi mesimor per kete kategori nxenesish. Afishimi i kodeve te regjistrimit do te behet ne ambientet e shkolles, ku cdo maturant do te njihet dhe me barkodin qe do te kete fleta e tij e provimit, nepermjet te ciles do te identifikohet gjate vleresimit te testeve. Menjehere pas rishikimit te te dhenave te mbledhura nga verifikimi i formulareve A1, AVA nderton bazen e te dhenave te cdo kandidati, si dhe do te pajise keta te fundit me nje numer regjistrimi perkates, qe perben elementin kryesor te identifikimit te tyre gjate nxjerrjes se rezultateve te provimeve.
SSSASS