Francë, punëtorët në grevë për krizën

Unionet e Punëtorëve nisën të enjten një grevë 24-orëshe nëpër gjithë Francën, me qëllim ushtrimin e presionit mbi qeverinë për të luftuar krizën ekonomike. Punonjës të sektorit publik, shkollave dhe transportit ndërprenë punën bashkë me disa segmente të transportit ajror. Greva ka mpirë transportin ajror, veçanërisht fluturimet brenda vendit. Trenat e metrove dhe autobusët po operojnë, por transporti hekurudhor rajonal është reduktuar në masë të madhe.