Fratini: Vizat me BE, liberalizimi ne qershor 2009
TIRANE - Levizja e lire e qytetareve shqiptare, pritet te behet realitet ne veren e ardhshme. Kete e ka bere te ditur ministri i Jashtem i Italise, Franko Fratini i cili pak muaj me pare mbante edhe detyren e zv/presidentit te Komisionit Evropian, teksa deklaroi dje ne Tirane se ne qershor 2009, qytetaret shqiptare kishin shpresa te mira per te udhetuar pa viza ne vendet e Bashkimit Evropian. Kjo deklarate e Fratinit erdhi pas takimit me ministrin e Jashtem, Lulezim Basha ku u fol edhe per progresin e Shqiperise ne kuader te plotesimit te kushteve per liberalizimin e vizave. Sipas Fratinit, kushti i pare per viza te lira eshte pajisja me dokumente te sakta identifikimi te qytetareve shqiptare, duke permendur ketu, kartat e identitetit dhe pasaportat biometrike me te cilat duhet te pajisen qytetaret shqiptare. "Kujtova sa e rendesishme eshte te kesh pasaporta dhe karta identiteti me te dhena biometrike. Sepse kjo eshte e vetmja garanci qe pengon falsifikimin, qe pengon paligjshmerine", deklaroi Fratini, duke shtuar se eshte shume e rendesishme qe qytetaret shqiptare te pajisen me keto dokumente. Nga ana tjeter per te levizur pa viza, qytetareve u duhet te bejne nje lufte te ashper kunder krimit te organizuar transkufitar, atij kriminaliteti qe kalon permes vendeve te Ballkanit Perendimor dhe mberrin ne vendet e BE. Nje kerkese te tille ai e ka bere dhe gjate takimit me Berishen, teksa ka kujtuar dy kushtet kryesore, dokumentat e identifikimit dhe luften kunder krimit, duke marre garanci te plote nga kryeministri Berisha. Po keshtu ministri i Jashtem italian, Franko Fratini permendi si elemente te rendesishem per procesin e liberalizimit te vizave reformat zgjedhore dhe reformat ne sistemin e drejtesise. "Konfirmova faktin se ky proces do te vazhdoje me tej me reformen zgjedhore, me reformen ne sistemin e drejtesise qe nuk jane kushte, por jane elemente te rendesishem", deklaroi Fratini ne fjalen e tij duke theksuar se parakushtet kryese per kete proces jane te plotesuara. Edhe ne takimin qe ministri i Jashtem italian, Franko Fratini zhvilloi me kryeministrin Berisha deklaroi se pasaportat biometrike do t'i hapin rruge liberalizmit te plote te vizave. Nderkohe qe Berisha ia demonstroi variantin e pasaportes biometrike. Ne mars te ketij viti ne detyren e tij si zv/presidenti i Komisionit Evropian, Fratini gjate nje vizite qe kreu ne Shqiperi deklaroi se gjate veres se vitit te ardhshem, pritej qe vendi yne te firmoste me Komisionin Evropian edhe marreveshjen per liberalizimin e vizave. Fatjona Mejdini