Frike nga provimet, alarmi: Ne shkolle ka bombe

ELBASAN- Frika nga provimet e sezonit ne gjimnaz, dyshohet se eshte bere shkak per nje telefonate anonime ne sallen operative te komisariatit te policise Elbasan, qe ka njoftuar per nje bombe te vendosur ne shkollen "Ali Myftiu" ne qytet. Alarmi qe rezultoi i rreme eshte dhene mengjesin e djeshem nga nje person, qe mendohet se eshte nxenes i kesaj shkolle. Sapo kane mberritur ne kohe rekord ne vendngjarje, efektivet e policise kane evakuuar nxenesit e te dyja shkollave, 9-vjecares dhe gjimnazit, ne menyre qe te kontrollin te gjitha ambientet, por qe ne fund ka rezultuar nje alarm fals.
Sipas policise nje telefonate anonime eshte kryer ne sallen operative per vendosjen e nje bombe brenda ambienteve te shkolles. Me qente antimine dhe pajisje moderne eshte bere kerkimi ne te gjitha ambientet e godines, por pa sukses. Me pas nje grup kontrolli i udhehequr nga drejtori Saimir Muca, ka kontrolluar me metal-kerkues te gjitha ambientet e shkolles per dy ore, por nuk ka rezultuar serish asgje konkrete. Sipas te dhenave te para hetimore rezulton se telefonata eshte kryer nga nje nxenes i kesaj shkolle, ne nje dite kur pritej te zhvilloheshin disa provime ne kete shkolle. Policia po punon per te identifikuar telefonuesin, qe dyshohet se eshte nje gjimnazist.