Fshirja e historisë me gomën e politikës
Prof. Asoc. Dr. Myslim Pashaj
Në rrjedhën e kësaj fushate elektorale ku si personazh kryesor, kërkon me insistim të jetë i vetëm dhe i shenjtëruar, Sali Berisha i Sundimit, një psikozë histerie transmetohet edhe në bashkësinë e shqiptarëve që shkojnë “pas berishajt…” Mirëpo ka pjesë të kësaj bashkësie që kujtohen se bartet edhe një kujtesë e historisë që nuk duhet harruar, pavarësisht se në cilat shkallë ajo, e ka ndjerë trysninë dhe ndikimin e sistemeve shoqërore apo ideologjive.
Kësillojshëm i ka ndodhur edhe një komuniteti skënderbegasish, të cilët kanë moshën e Berishës së Sundimit dhe së bashku me të ndajnë edhe kontributet në atë sistem që shkoi (edhe pse nuk janë të barabarta!), por që duhen vlerësuar me qetësi dhe ma- turi. Mund të hapen udhët e fushatës së eth- shme të flamujve, sharjeve dhe “hosanarave” podiumeve, fjalimeve tërë shkumë, por nuk mund të hapen dyert e një shtëpie të ku-jtimit për skënderbegasit që mbushin 50 vjet nga matura e Shkollës “Skënderbej”.
Atyre iu mbyll dera e Qendrës Kulturore të Forcave të Armatosura dhe çelësat e saj i mban Imami dhe “Imamët servilë të Min- istrisë së Mbrojtjes”. Ata mund të përdorin mjete, deri helikopterë për qejf dhe fushatë, ata mund të ofrojnë salla dhe lektoriume, ata mund të dekretojnë shkarkim gjeneralësh, shkatërrim institutesh, ata mund të mbulojnë Gërdecin, sakatimin thelbësor të vlerave të FA dhe 21 janarin, gjithashtu, por nuk kujtohen, se kanë në dorë edhe trajtimin dhe vlerësimin e burimeve njerëzore në histori, pavarësisht se në cilin sistem kanë qenë këto kontribute.
Sa dëm i bëhet çështjes kombëtare, qasjes për njëjtësim shpirtëror të të gjithë breznive, duke ndarë gjithnjë me kujdes se ku ka qenë metastaza e krimit që polli komunizmi në Shqipërinë e prapambetur, por duke ruajtur me dinjitet vlerat ashtu si e bëjnë kudo në ish vendet komuniste të Lindjes.
Berisha i Sundimit i përfshirë nga kompleksi i sëmundjes së shpirtit, teksa kujton se ka qenë pjesë nga më e epërmja e kohës komuniste, dhe Sekretar Partie, na dëshmon këto ditë se kriza që ai prodhon rreth e rrotull, kur kërkon në një farë mënyre “të shenjtërohet” kjo derëkyçje, doemos që ka shkaqet e veta psikike. Po jo më pak dhe “Imamët politikë të FA” .
Shënim: Për shkak të specifikës së temës që trajtohet shkrimi i mësipërm është shkëputur nga profili në FB i autorit Myslim Pashaj.