Fullani: Kriza, ndikim te pakonsiderueshem ne sistemin tone financiar Eglantina Nasi

Kriza ekonomiko-financiare e Eurozones dhe e rajonit dha nje ndikim te drejtperdrejte, por te pakonsiderueshem ne sistemin financiar te vendit tone E kjo, fale politikave te duhura qe ndoqi pala shqiptare per mbajtjen nen kontroll te treguesve kryesore makroekonomike. Nje fakt te tille, Guvernatori i Bankes se Shqiperise, Ardian Fullani, e beri me dije para krereve te Financave dhe homologeve te rajonit, gjate nje samiti te posacem qe u mbajt ne Malin e Zi. Duke konfirmuar para tyre se edhe pse Shqiperia u perball me efektet negative te krizes, ajo reagoi sic duhet ndaj tyre, duke injektuar me shume para’ ne treg e kesisoj, duke shtuar nivelet e likuiditetit per popullaten. “Shqiperia reagoi me shpejtesi ndaj klimes ekonomike ne ndryshim. U injektua likuiditet i bollshem ne sistemin tone bankar dhe u zbatuan rregulla rigoroze per transferimin e fondeve. Politika monetare qendroi ne te njejtin kah, duke lene vend per nje politike fiskale ekspansioniste. E cila per shkak te nje periudhe relativisht te gjate konsolidimi, gjate shperthimit te krizes kishte hapesira te bollshme per manovrim dhe per ndikim te drejtperdrejte ne ekonomi”,- argumentoi ne fjalen e tij Fullani. Duke saktesuar me tej se ekspertet shqiptare, bene gjithcka per te rikthyer besimin e qytetareve tek sistemi bankar. “Nderkohe qe efektet e stimulit fiskal filluan te veniten dhe u rikthye besimi ndaj sistemit bankar, ne ulem normen baze te interesit ne vleren me te ulet historike, me qellim qe t’i siguronim ekonomise stimul te metejshem fiskal. Dhe ajo qe eshte edhe me e rendesishme, ne forcuam mbikeqyrjen e sistemit bankar”,- tha gjithashtu kreu i BSH-se. Sipas tij, cfare ka vertet rendesi per rastin e Shqiperise, eshte fakti qe stabiliteti financiar eshte nje kusht paraprak per stabilitetin e pergjithshem makroekonomik dhe ate monetar. “Ne kemi qene te kujdesshem jo vetem ne politiken monetare, por edhe ne politiken tone makro-prudenciale”, ishte nje tjeter vleresim qe guvernatori Fullani beri ndaj politikave te ndjekura per mbajtjen nen kontroll te treguesve kryesore ekonomike me vend. Duke perfunduar me vleresimin se gjithsesi, kriza ekonomiko-financiare ka sherbyer per te dhene edhe disa mesime te rendesishme. Si ajo qe masat e ndermarra, kerkojne koordinim te madh sepse ne te kundert, ato mund te kene me teper ndikim negativ sesa pozitiv.