Fullani: Rritja ekonomike kete vit 2.5%

Rezultati i rritjes ekonomike te Shqiperise per 2009, vjen cdo dite me nje version te ri. Nje dite me pare Guvernatori, Ardian Fullani gjate nje konference ekonomike ne Athine i ka pohuar agjencise "Reuters" se, rritja ekonomike e vendit per kete vit do te jete 2-2.5 per qind. Guvernatori duke u shprehur per here te pare ne shifra per rritjen e ekonomise shqiptare, ka pohuar se Banka Qendrore i ka ngritur ne shtator parashikimin pasi u vu re nje rikthim i depozitave ne sistemin bankar. Me pare parashikimi i Bankes Qendrore per rritjen ekonomike nuk ishte me shume se 1 per qind. Ne fakt moria e madhe e shifrave qe institucionet kane dhene per rritjen ekonomike e ben edhe me te paqarte faktin, se sa do te jete rritja reale e vendit tone me 2009. Pervec faktit te njohur tashme, qe Shqiperia do te jete nje nder vendet e pakta ne Evrope qe ne kete kohe krize ekonomike globale do te kete nje rritje ekonomike pozitive. Sipas Fondit Monetar Nderkombetare rritja ekonomike e Shqiperise per kete vit nuk do te jete me shume se 0.7%. Sipas Bankes Boterore treguesi ne fjale parashikohet diku tek 1.5 per qind. Me optimiste mbetet Ministria e Financave me parashikimin e saj 4.8 per qind, i cili rezulton te jete me afer matjeve te INSTAT, te cilat rezultojne me te larta se te gjitha parashikimet 5.3-6%. Recesioni ekonomik qe ka perfshire pjesen me te madhe te partnereve tane tregtare eshte shoqeruar me uljen e shkembimeve tregtare dhe te te hyrave valutore. Rritja e pasigurise ne tregjet financiare globale, ka ndikuar ne lekundjen e besimit ne sistemin financiar, duke ushtruar presion per shtrengimin e kushteve financiare ne Shqiperi. Te dy keta faktore sipas Bankes se Shqiperise, jane reflektuar ne uljen e konsumit, te eksporteve dhe te investimeve, duke sjelle ngadalesimin e aktivitetit ekonomik, duke ushtruar presion mbi treguesit fiskale te te ardhurave buxhetore dhe te deficitit buxhetor. Nga ana tjeter, pakesimi i flukseve hyrese valutore eshte shoqeruar me perkeqesimin e treguesve te bilancit te pagesave dhe lindjen e presioneve nencmuese mbi kursin e kembimit, duke nenvizuar rolin e qendrueshmerise se llogarise korente ne ekuilibrat makroekonomike dhe financiare te vendit, si dhe nevojen e marrjes se masave per garantimin e saj.

Parashikime te PBB nga institucione te ndryshme

Ministria e Financave

Parashikon qe rritja ekonomike kete vit te jete 4.8 %

Fondi Monetar Nderkombetar

Parashikon qe rritja ekonomike e Shqiperise te jete 0.4%

Banka Boterore

Parashikon qe rritja ekonomike e Shqiperise per kete vit te jete 1.5%

Banka Evropiane per Rindertim dhe Zhvillim (BERZH)

Parashikon qe rritja ekonomike e Shqiperise per kete vit te jete 3%

Banka e Shqiperise

Parashikon qe rritja ekonomike e Shqiperise per kete vit te jete 2-2.5%

INSTAT

Sipas matjeve te bera per rritjen ekonomike ne nivel tremujori ka rezultuar qe per periudhen janar-mars, ekonomia eshte rritur me 6% dhe per periudhen mars-qershor eshte rritur me 5.3%.