"Integrimi, udherrefyes per reformat"

Procesi i Integrimit te Shqiperise ne Bashkimin Evropian, ishte ne qender te diskutimit te kryeministrit Berisha gjate konferences "Bota ne vitin 2025", i mbajtur ne Vjene. Edhe pse nje koincidence mbajtja e ketij aktiviteti ne 20-vjetorin e renies se Murit te Berlinit, per Berishen, u cilesua si momenti i hapjes se dyerve per zgjerimin e BE-se. Kreu i qeverise paraqiti nje tablo te zhvillimeve te Shqiperise gjate viteve te fundit, ne perpjekje per te realizuar standardet, per liberalizimin e vizave dhe pershpejtimin e procesit te integrimit ne Bashkimin Evropian. "Eshte nje koincidence e bukur qe ky takim ndodh ne 20-vjetorin e renies se Murit te Berlinit. Kjo ishte ngjarja me e madhe ne historine e njerezimit pas Luftes se Dyte Boterore. Eshte momenti i hapjes se dyerve, per zgjerimin e BE-se dhe shpresat per t'u bere anetar i nje organizate me te madhe. Procesi i integrimit ne Bashkimin Evropian eshte shume i rendesishem per mua dhe qeverine time. Ky eshte ne te vertete udherrefyesi per procesin e reformave", ka qene deklarata e Berishes, para lidereve te djathte evropiane te PPE-ve. Sipas tij, fatmiresisht mbeshtetja per integrimin ne BE ne Shqiperi eshte 95% dhe ky mbetet akoma projekti enderr i Shqiperise, dhe per te si kryeminister i vendit, eshte nje avantazh i madh, nje mundesi per te bere me te miren e mundshme. "Integrimi ne BE dhe integrimi ne NATO eshte per te gjithe rajonin forca drejtuese qe do ta ndryshoje rrymen ne drejtim tjeter nga konfliktet apo lufterat civile dhe drejt bashkepunimit, miqesise dhe nje te ardhmeje te perbashket. Ne kete kontekst, Deklarata e Selanikut ne samitin e BE-se ishte me nje rendesi themelore sepse i jepte nje perspektive Evropiane vendeve Ballkanike. Dhe kjo perspektive per vendin tim dhe rajonin po shkon perpara",-tha Berisha. Sipas tij, Shqiperia i priste me pozitivitet lajmet e mira per avancimin ne proces te vendeve te rajonit, si Kroacia dhe Maqedonia. Me tej kreu i qeverise shqiptare u ndal tek progres-raporti i Komisionit Evropian i ketij viti per Shqiperine, ku theksoi ne menyre te vecante permbushjen e standardeve ne zgjedhjet parlamentare. "Kete vit ne zhvilluam zgjedhjet me te mira me teknologjine me te larte, si listat elektronike te votuesve, gjendjen civile te dixhitalizuar, procesin e numerimit te votave qe u filmua nga Komisioni Qendror i Zgjedhjeve. Ne siguruam procesin me transparent", deklaroi Berisha. Teksa ka evidentuar nje tjeter sfide per projektin "Shqiperia evropiane", ku vijon te jete dhe beteja ne luften zero tolerance ndaj korrupsionit dhe krimit te organizuar. "Ne morem masa per te mos lejuar perdorimin e parave publike per qellime te tjera private", deklaroi Berisha. Sipas tij, qeveria ka arritur te shkurtoje me efikasitet shpenzimet operative me rreth 5% te Prodhimit te Brendshem Bruto. "Gjithashtu administrata ime eshte zvogeluar dhe sot mund te them se Shqiperia ka gjysmen e administrates se Maqedonise. Qeveria e vogel funksionon, qeveria ne diete jep rezultat", shtoi kryeministri ne fjalimin e tij. F.Mejdini

Integrimi ne BE dhe vizat, kerkohet mbeshtetje nga PPE

Shqiperia do te kete mbeshtetjen e Partive Popullore Evropiane, ne Parlamentin Evropian ne rrugen e saj te liberalizimit te vizave dhe integrimit ne BE. Kete mbeshtetje, kryeministri Berisha e mori nga kryetari i grupit te PPE-se, Joseph Daul. Gjate takimit Daul, e pergezoi Berishen per arritjet e qeverise shqiptare ne implementimin e reformave themelore, per integrimin e vendit dhe vendosmerine, ne luften kunder korrupsionit dhe krimit ne vend. Nga ana e tij, Berisha e njohu Daul me reformat e ndermarra nga qeveria shqiptare, drejt permbushjes se standardeve dhe kritereve te nevojshme, per integrimin e vendit ne BE. Kryeministri theksoi gjithashtu se sugjerimet e progres-raportit te Komisionit Evropian, do te sherbejne si axhende pune e qeverise dhe se ato do te jene nje udhezues shume i mire, per perparimin ne rrugen e integrimit drejt BE-se.