Fushata e LSI, fokusi ne eksperiencen e Metes, si ish-kryeminister i vendit

Levizja Socialiste per Integrim, do te fokusoje fushaten elektorale te zgjedhjeve te 28 qershorit, ne kohen kur lideri i kesaj partie ka qene kryeminister. Kjo u la te kuptohej nga deklaratat e bere nga zevendespresidenti i kompanise amerikane Greenberg Quinlan Rosner, Mark Feierstein, qe do te perkujdeset per fushaten elektorale te LSI-se. Diten e djeshme, Feierstein dhe Meta firmosen marreveshjen zyrtare te nisjes se bashkepunimit per fushaten elektorale. Pas firmosjes, zevendespresidenti i Greenberg Quinlan Rosner, pervec berjes publike te eksperiences qe kjo kompani ka pasur me fushata zgjedhore, ai solli ne vemendje se Ilir Meta, u be kryeminister kur ishte teper i ri, vetem 30 vjec. "Ai qeverisi ne nje periudhe teper te veshtire per vendin tuaj, kur sapo kishte rene sistemi piramidal. Ai, me te vertete qe permiresoi rruget dhe infrastrukturen", vleresoi Feierstein. Sipas tij, nese kthehemi pas dhe shikojme historine e Shqiperise dhe zhvillimin ekonomik, do te shikonim qe te gjitha investimet dhe zhvillimi, jane bere gjate periudhes se qeverisjes se zotit Meta. "Sic e shikojme ne kete fushate dhe po te shohim te gjithe te ardhmen e LSI dhe te zotit Meta, ne kuptojme se kjo do te jete nje fushate teper e madhe dhe e gjate", nenvizoi zevendespresidenti i Greenberg Quinlan Rosner. Ai shprehu sigurine se te gjithe votuesit do te analizojne mire per kandidatet e ndryshem dhe per partite e ndryshme, dhe ato do te marrin ne konsiderate momentin ne te cilin po ndodh kjo fushate dhe keto zgjedhje. "Sic e dime te gjithe, jemi ne mes te nje krize globale, e cila do te kete dhe impakt mbi Shqiperine. Votuesit sigurisht qe do te gjykojne eksperiencen e cdo kandidati, kush ka eksperiencen, kush eshte testuar dhe kush ka njohje te mjaftueshme politike per te ndihmuar Shqiperine, te kaloje kete periudhe te veshtire", theksoi Feierstein, duke lene te kuptohet se fushata do te perqendrohet ne kohen kur ish-lideri i Levizjes Socialiste per Integrim ishte kryeminister i Shqiperise.

Denis Dedej