"Permiresim gjyqesorit, per ceshtjet tregtare"
Ministri i Drejtesise i prezantoi dje delegacionit te PE-se, rezultatet e projektit te binjakezimit "Permiresimi i Sistemit Gjyqesor per Ceshtjet Tregtare". Projekt ky i financuar me 1milione euro nga Bashkimi Evropian. Rekomandimet e nxjerra per modernizimin e Kodit Civil, paraqesin nje numer permiresimesh. Ato i sherbejne mbrojtjes se agjenteve tregtare kunder shkarkimeve arbitrare, duke dobesuar keshtu varesine e tyre nga porositesit e tyre. Si dhe paraqesin sanksione te reja dhe me te ashpra per pagesat ne vonese ne transaksionet tregtare. Sipas pasqyres se bere, rezulton se pervec reformes legjislative, ekspertet i kane dhene rendesi gjithashtu edhe nevojave per informacion te komunitetit ligjor shqiptar mbi ligjet e reja. "Ne mirepresim te gjitha rekomandimet e projektit per sistemin gjyqesor, per ceshtjet tregtare ne Shqiperi dhe do te bejme perpjekjet tona maksimale, per te zbatuar gjithcka brenda kompetencave te Ministrise se Drejtesise, sa me shpejt te jete e mundur", u shpreh Alibeaj. Projekti i binjakezimit prej 1milione eurosh, "Permiresimi i Sistemit Gjyqesor per Ceshtjet Tregtare" filloi ne Tetor te vitit 2007 dhe do te perfundoje ne Mars te vitit 2009. Ai po zbatohet bashkerisht nga Ministria e Drejtesise se Austrise dhe Ministria e Drejtesise se Shqiperise.