Fyle - Wammen: Rezultate konkrete per 12 prioritetet e BE
Autoritetet e Komisionit Europian ne Bruksel kerkojne rezultate konkrete e te prekshme per 12 prioritetet e Bashkimit Europian. Deklarata vjen nga komisioneri per Zgjerimin dhe Fqinjesine e mire, Stefan Fule dhe Ministri Danez per Ceshtjet Europiane, Nicolai Wammen. Ne nje deklarate te perbashket lidhur me progresin e bere ne fushen e politikave te zgjerimit gjate Presidences Daneze, vleresohen perpjekjet e politikes shqiptare ne kuader te reformave. Dy diplomatet ndalen ne disa prej ceshtjeve qe lidhen me zgjerimin e BE gjate gjashte mujorit te presidences daneze. Nderkohe qe per Shqiperine theksojne se duhen rezultate konkrete ne lidhje me procesin e integrimit. "Ne vijim te marreveshjes politike mes qeverise dhe opozites te arritur ne nentor 2011, ne vitin 2012 ne Shqiperi jane bere perpjekje te verteta nga te dyja palet politike per cuarjen perpara te reformave, - nenvizojne Fule dhe ministri danez, Wammen, teksa shtojne se progresi i metejshem do te varet ne shkalle te gjere nga qendrueshmeria dhe vendosmeria e dialogut mes forcave politike", - thuhet ne deklarate. Po ashtu, deklarata, vlereson gjithashtu zhvillimet e muajve te fundit ne rajon, perfshihet edhe Kosova, per te cilen dy zyrtaret e larte u shprehen se harta e vizave i afron me teper qytetaret me heqjen e tyre. Dy diplomatet kane folur dhe per Studimin e Fizibilitetit me Kosoven, objektivi i te cilit eshte sigurimi i nje analize gjitheperfshirese dhe te thelluar te gatishmerise se Kosoves, per te negociuar dhe zbatuar Marreveshjen e Stabilizimit dhe Asociimit. "Kete pranvere kemi nisur edhe nje Studim Fizibiliteti me Kosoven. Objektivi i studimit te fizibilitetit eshte sigurimi i nje analize gjitheperfshirese dhe te thelluar te gatishmerise se Kosoves per te negociuar dhe zbatuar Marreveshjen e Stabilizimit dhe Asociimit, qe perben bazat ligjore te marredhenieve te Bashkimit Europian me vendet e Ballkanit Perendimor dhe nje trampoline drejt anetaresimit. Studimi do te fokusohet ne aspektet politike, ekonomike dhe ligjore te gatishmerise se Kosoves per Marreveshjen e Stabilizimit dhe Asociimit. Pas nisjes se dialogut me Kosoven ne janar per liberalizimin e vizave, ne qershor Komisioni i dorezoi qeverise kosovare Harten e Vizave, qe i afron edhe me shume qytetaret kosovare me levizjen pa viza", - thuhet ne deklaraten e perbashket te dy diplomateve. Ata vleresojne gjithashtu dhe procesin qe ka bere gjithe rajoni. "Gjate gjashte muajve te fundit Komisioni dhe Presidenca Daneze kane punuar mire se bashku per te gjetur zgjidhje praktike dhe menyra te pershtatshme per te pritur dhe mbeshtetur ne BE ata fqinje qe duan te ndajne me ne demokracine, prosperitetin dhe stabilitetit. Jane hedhur themelet qe BE te vazhdoje te zgjerohet dhe duke thelluar integrimin e vet te brendshem, ato do te behen edhe me te forta", - thuhet ne deklaraten e perbashket.
"Rajoni po ecen perpara"
Komisioneri per Zgjerimin dhe Ministri Danez per Ceshtjet Europiane, Nicolai Wammen, shprehen se zhvillimet e fundit ne rajon tregojne se Ballkani Perendimor po ecen perpara. Ata ndalen ne zhvillimet ne Shqiperi, Kosove, Maqedoni, Mal te Zi, Serbi dhe Turqi. "I gjithe rajoni i Ballkanit Perendimor po ecen perpara. Ne kemi nisur nje Dialog Anetaresimi ne Nivel te Larte me ish-Republiken Jugosllave te Maqedonise. Ai siguron nje platforme per nje diskutim intensiv dhe te qenesishem mbi perparimin e reformave qe lidhen me BE-ne. Diskutimi fokusohet ne objektiva konkrete dhe veprime per ta shtyre perpara procesin e reformes ne pese zona kyce: liria e shprehjes ne media; sundimi i ligjit; reforma e administrates publike; reforma zgjedhore; forcimi i ekonomise se tregut", - thuhet ne deklaraten e perbashket.
"Rajoni po ecen perpara"
Komisioneri per Zgjerimin dhe Ministri Danez per Ceshtjet Europiane, Nicolai Wammen, shprehen se zhvillimet e fundit ne rajon tregojne se Ballkani Perendimor po ecen perpara. Ata ndalen ne zhvillimet ne Shqiperi, Kosove, Maqedoni, Mal te Zi, Serbi dhe Turqi. "I gjithe rajoni i Ballkanit Perendimor po ecen perpara. Ne kemi nisur nje Dialog Anetaresimi ne Nivel te Larte me ish-Republiken Jugosllave te Maqedonise. Ai siguron nje platforme per nje diskutim intensiv dhe te qenesishem mbi perparimin e reformave qe lidhen me BE-ne. Diskutimi fokusohet ne objektiva konkrete dhe veprime per ta shtyre perpara procesin e reformes ne pese zona kyce: liria e shprehjes ne media; sundimi i ligjit; reforma e administrates publike; reforma zgjedhore; forcimi i ekonomise se tregut", - thuhet ne deklaraten e perbashket.