GRUSHTI I PAKICS
Pergjumja e arsyes prodhon monstra shkruan Goja mbi nje nga Kapricot e veta. Me pelqen te perdor fjalen monster me shume sesa perbindesh sepse ne fantazine tone keta te fundit jane te percudnuar edhe vizualisht kurse monstrat me ngjan sikur jane perbindesha qe ekzistojne me shume se brendshmi.
Kapricoja e Gojes me rikthehet here pas here ne mendje dhe se fundmi kur verej dhunen qe nje pakice ushtron mbi shumicen ne nje sistem shoqeror ku supozohet qe do te duhej te ekzistonte tirania e shumices. Dhe nuk e kam fjalen per pakicen e zgjuar per pakicen e pasur apo pakicen e bukur qe mund ti imponohet pjeses tjeter te shoqerise. E kam fjalen per pakicen e pergjumur qe prodhon monstra. E kam fjalen per ate pakice qe nuk ka asgje per te thene e ne fakt eshte ajo qe bertet me shume qe na imponohet me fort qe mbeshtet suporton e justifikon gjithcka qe eshte joshoqerore e joqytetare.
Kjo pakice na imponohet kudo ku ka mundesi shprehjeje web media rruge.
Pakica ne rruge
Vendi me i zakonshem ku mund ta vesh re ne formen e vet me kuptimplote kete fenomen eshte rruga. E drejta civile per te manifestuar ose protestuar eshte kthyer ne nje justifikim partiak. Secila Parti mund te nxjerre 50 mije vete ne shesh duke pretenduar mbeshtetje popullore per kauzen e vet. Perjashto te nxjerrurit me dhune ose me frike perseri mbetet nje pjese e konsiderueshme qe dalin nga qejfi i vet nga qejfi per te bertitur parullat e veta te dhunes.
Kjo pakice qe cirret na shitet si mbeshtetje popullore. Por 50mije vete nuk jane Shqiperia. As 200 mije vete. Keta jane perseri pakice ne lidhje me ata 3 milion e kusur qe rrine te fshehur pas penxhereve duke tentuar te zbusin ndotjen akustike te kesaj pakice qe bertet dhe duke mos guxuar te dalin ne rruge se sduan te perzihen me turmen.
Por kjo pakice qe ulerin ajo 50 mijeshe aty ne shesh behet percaktuese politike. Na perfaqeson pa te drejte te gjitheve.
Shpesh kjo turme 50 mijeshe eshte dhe faktikisht me e varfra me e paveshura me e paarsimuara me e neglizhuara eshte ajo qe ka perfituar me pak nga mbajtja ne sistem e atyre per te cilet bertet.
Kjo pakice kenaqet me shume pak. Duan vetem te ngjiren dhe te shfryjne dufin. Parullat e tyre sic mund ta keni vene re nuk jane politike sepse vete kauza e tyre nuk eshte politike eshte tribale. Parullat e tyre jane plot sharje e ofendime shpesh personale ndaj armikut liderit te tribuse tjeter.
Pakica ne media
Media eshte gjithashtu zona e arte qe gelon me shembuj te dhunes se pakices. Sepse keta qe imponohen ne ekrane e gazeta jane dhe te veshur mire. Kostume firmato. izme te shtrenjta. Moda e fundit e Milanos.
Jane 40-50 personazhe qe rrotullohen ne TV dhe faqet e para te gazetave roze ose jo per vite me radhe duke na bere te mendojme qe jane perfaqesuesit e artit shoqerise apo politikes.
Hap emisionet me biseda talk-show dhe jane te njejtit personazhe qe ato 2-3 gjera qe kane per te thene i kane thene qe para 2 vjetesh dhe qe i kthejne shumicat e debateve perfshi edhe ato politiket ne muhabete kafeneje. Hap nje kanal muzikor dhe shoh te njejten fytyre qe del ne 1/3 e klipeve.
Kjo pakice kenaqet me shume. Shesin boshllek kompensohen me fame.
Ne fakt jane nje pakice aspak domethenese nje pakice hajdute qe vjedh idete klipet tekstet muziken kohen televizive levizjet e qe nuk paguan autoret.
Arti i vertete idete shoqerisht produktive ose zhvillohen ne mjedise te mbyllura e private ose vdesin ne vetmi pa pasur shans te mberrijne te publiku.
Pakica virtuale
Ambienti ideal i dhunes se pakices eshte rrjeti. Nje shqetesim qe ngrinte para pak ditesh edhe Mustafa Nano. Ja une citoj nje emer dhe gjasat jane qe ne blogje te shahet e ofendohet personi i cituar ne te tera format e askush nuk merret me idene. Webmasterat nga ana e tyre bejne shume pak per te ndaluar kete dhune. Edhe pse po te heqesh komentet e dhunshme ndoshta sngelet asgje ne blog. Hapni nje cfaredo faqe komentesh mbi artikujt tek economist.com dhe te nje cfaredo gazete shqiptare ne Internet. Do te shihni se sa pak civile jemi. Me sakte sa pak civile jane ky grusht pakice.
Pikerisht ata qe kane me pak per te thene jane ata qe komentojne me shume duke share e shfryre dufin e tyre. Mirepo kjo pakice e dhunshme qe ka mbushur blogjet krijon idene qe mendimi shqiptar eshte i ceket qe kushdo ne Shqiperi mund te urrehet.
Zhurma e pakices ne rrjet heq mundesine e nje debati civil e produktiv dhe largon ata qe kane vertet dicka per te thene.
Pakica ne sherbim te pakices
Grushti i pakices eshte ne fakt nje grusht gjysme i verber. Pakica qe bertet gjithnje e me shpesh po perdoret nga nje pakice e zgjuar qe kerkon te realizoje ose te mos realizoje dicka.
E keni vene re sesi nje individ i vetem eshte ne gjendje te prishe rrjedhen e nje debati televiziv Ne sa raste eshte nje person i cili kuptohet se eshte i porositur qe luan efektin vuvuzele ne debat duke cartur idete e tjetrit duke e stresuar e duke mos e lene te flase. Qellimi i ketyre individeve eshte shume i qarte. Te prodhoje permes lirise se fjales te kunderten e vet te mos lere te tjeret te jene te lire te flasin.
Kjo pakice eshte e pergjumura qe prodhon vetem monstra.
Por sic veren me mprehtesi Felix Guattari Nuk eshte pergjumja e arsyes qe prodhon monstra por me shume se cdo gje tjeter i prodhon racionaliteti vigjilenca dhe te ndenjurit pa gjume.
Dikush ose disa vigjilente racionale e te pagjume te pushtetshem e te pasur kane prodhuar monstrat qe bertasin dhe i tundin mbi koken tone.
Tundin mbi ne grushtin e pakices se pergjumur.