Gafa e Spanjës, stema e gabuar në fanellë

Çfarë gafe për Kampionët e Botës dhe të Europës në fuqi. Mbi bluzat e "Furive të Kuqe" në ndeshjen e djeshme Kroaci-Spanjë vihej re stema e fanellës e cila nuk i përkiste Burbonëve spanjollë por atyre francezë.

Ky fakt ka bërë që Federata Spanjolle e Futbollit të reagojë menjëherë: "Familja Mbretërore Spanjolle ka marrë shumë fanella të ekipit Kombëtar dhe nuk ka patur asnjëherë protesta për stemën e vendosur në të por më shumë për aspektin teknik për të cilin kujdesen trajnerët", thuhet në deklaratën e Federatës Iberike të Futbollit.