Galatasaray kërkon Buffonin

Gjiganti turk Galatasaray kërkon portierin e Juventusit, Gianluigi Buffon.

Lajmi vjen nga uebfaqja turke fotomac.com.tr që ka cituar presidentin e Galatasarayt Unal Aysal i cili konfirmoi interesimin për portierin e Bianconerëve dhe të Kombëtares italiane.

“Jemi në kontakt me Juventusin për Buffonin dhe do të mundohemi ta transferojmë në Galatasaray”, tha Aysal. Në rast të dështimit për blerjen e Buffonit, sipas Aysalit, Galatasaray do të vihet pas portierit të Fiorentinës, Sebastien Frey.