Gara ne PD, 800 delegate vendosin

Java e pare e muajit prill, do te jete edhe koha kur do te mbahen zgjedhjet per kryetarin e Partise Demokratike te Tiranes. Burimet brenda P-se bejne te ditur se do te jene 800 delegatet, ata qe do te zgjedhin nepermjet votimit se cili do te jete fituesi i gares ne kryeqytet. Por perpara se delegatet e kryeqytetit, te futen ne votim per te zgjedhur kandidaturat, do te jete kryesia e Partise Demokratike ajo qe do te vendose se cilet nga disa kandidaturat e shpallura, do te jene pjese e votimit dhe cilet do te s'kualifikohen, qe ne mbledhjen e kryesise. Keto zgjedhje pritet te kene edhe vemendjen maksimale te medias, per shkak se gara per kryetarin e PD-se ne kryeqytet, perfshin disa nga emrat me njohur te vete kesaj partie. Qe ne ditet e para, kur u lajmerua zhvillimi i zgjedhjeve ne te gjitha deget e PD-se, ne kryeqytet dolen kandidaturat e para per postin e kryetarit, qe do te pasoje Olldashin ne drejtimin e PD se kryeqytetit. Keshtu i pari, i cili konfirmoi publikisht se do te ishte pjese e kesaj gare, ishte ish-ministri i Jashtem, njekohesisht sekretar i marredhenieve nderkombetare ne PD, deputeti Besnik Mustafaj. Me pas ne kete gare, deklaruan se do te merrnin pjese edhe deputete te tjere demokrate, si Edi Paloka, Lajla Pernaska dhe Aldo Bumci. Por burimet prane PD-se, bejne te ditur se deri ne kohen kur te mbahen zgjedhjet ne Tirane, pritet qe edhe nje sere kandidaturash te tjera te kandidojne per garen qe do te nxjerre edhe kryetarin e PD-se ne kryeqytet. Me te veshtire kete gare do ta beje dhe fakti se, do te jete kryesia e Partise Demokratike, ajo qe do te percaktoje vetem dy emra, duke i dhene mundesine vetem dy kandidaturave te hyjne ne gare reale, per te drejtuar degen me te madhe te Partise Demokratike ne vend. Ende nuk dihet nese kjo procedure do te sjelle debate mes kandidaturave te shpallura aktualisht. Por burimet, prane PD-se bejne te ditur se kjo procedure eshte perdorur edhe ne zgjedhjet e kaluara brenda partise dhe nisur nga ky fakt, nuk ka asnje arsye perse te ndryshohet ne zgjedhjet e kesaj radhe. Fillimi i muajit te ardhshem do te jete edhe muaji vendimtar, i cili do te tregoje procedurat qe do te ndiqen nga PD, per zgjedhjen e kryetareve te degeve. Nga ana tjeter zgjedhjet per kreret e partise me te madhe te mazhorances, po vazhdojne normalisht ne rrethet e ndryshme te vendit. Tashme zgjedhjet po kryen ne disa nga qytetet kryesore te vendit. Ne te cilat ne pjesen me te madhe, kane perfunduar ose jane ne perfundim e siper dhe qe pritet te mbyllin ciklin e te gjithe fushates zgjedhore brenda partise ne qarqet kryesore te vendit. Fatjona Mejdini