PDK: Opozita, jo manipulim me "Gerdecin"
Partia Demokristiane deklaroi dje se dhimbjet e banoreve te Gerdecit mund te qetesohen vetem duke bere drejtesi, ne lidhje me autoret qe cuan ne kete tragjedi. Deputeti i PDK-se, Jak Ndokaj deklaroi dje se PDK shikon me shqetesim se ende nuk jane vene para drejtesise personat pergjegjes qe e shkaktuan kete tragjedi, nderkohe qe jane shtuar spekulimet per perfitime politike nga tragjedia e Gerdecit. "Partia Demokristiane shpreh bindjen e saj se ajo qe kerkohet sot per qetesuar shpirtrat e viktimave dhe per te lehtesuar dhimbjet e shkaktuara nga tragjedia e Gerdecit, eshte dhenia e drejtesise nga institucionet tona te zbatimit te ligjit", theksoi deputeti Jak Ndokaj ne fjalen e tij. Po keshtu Ndokaj deklaroi se tragjedia e Gerdecit eshte nje krim i rende dhe PDK kerkon qe personat pergjegjes qe shkaktuan kete tragjedi, kushdo qofshin ata, te denohen me te gjithe ashpersine e ligjit. Nga ana tjeter, PDK sipas Ndokajt, denon me force cdo perpjekje, cdo forme te presionit qe u behet organeve te drejtesise, per te deformuar te verteten e tragjedise se Gerdecit dhe per te shmangur nga pergjegjesia ligjore personat pergjegjes, shkaktare dhe te implikuar me kete tragjedi. Po keshtu Ndokaj tha se te denueshme jane edhe perpjekjet qe po ben opozita e majte, per te manipuluar me viktimat e tragjedise se Gerdecit, per te nxjerre perfitime politike me kufomat e viktimave. Ne vend te ketyre protestave sipas deputetit te PDK-se, do te ishte e udhes qe te gjitha partite politike shqiptare te inkurajonin prokurorine dhe organet e tjera te drejtesise, ne zbardhjen e plote te kesaj ceshtje. "Drejtesia ne asnje kohe dhe ne asnje vend demokratik, nuk vendoset nepermjet mitingjeve dhe presionit politik mbi institucionet e drejtesise", perfundoi Jak Ndokaj deklaraten e tij. F.Mejdini