Gara per "Albpetrol", "ne loje" mbeten vetem tre kompani Eglantina Nasi

Nga gjashte kompani qe u kualifikuan ne fazen fillestare te tenderit per privatizimin e kompanise shteterore te naftes "Albpetrol", vetem tre prej tyre rezultojne te kene mbetur ende ne gare. Kete e konfirmoi dje publikisht zv.ministri i Ekonomise, Sokol Dervishaj, ne cilesine e kreut te Komisionit te Vleresimit te Ofertave, por edhe te komunikuesit te raportit te konsulentit. "Renditja eshte e tille: E para eshte "Vetro Energy", e dyta eshte "Uin Business" dhe e treta eshte "Bankers Petroleum", deklaroi ai. Duke argumentuar me tej, se keto jane kompani qe plotesojne te gjitha kriteret teknike, por edhe ato financiare, vleresuar nga konsulenti dhe komisioni perkates i eksperteve. Nga ana tjeter, zv.ministri i Ekonomise, sqaroi se pas ketij momenti te vleresimit paraprak, kompanite e skualifikuara nga gara mund te ankohen per vendimin prane ministrise se Ekonomise, brenda 5 diteve nga marrja e njoftimit perkates. E ne perfundim te ketij afati, komisioni i lartpermendur, ne bashkepunim me konsulentin, do te paraqese nje raport perfundimtar ne Keshillin e Ministrave. Ku do te jete pikerisht ky i fundit, qe do te marre edhe vendimin perfundimtar se cilit garues do t'i takoje e drejta ekskluzive per privatizimin strategjik te "Albpetrolit". Afat ky, qe nese i referohemi edhe etapes se ankimimeve, i bie te jete ne ditet e para te muajit tetor. "Brenda 5 diteve, secila prej kompanive ka te drejten e ankimimit apo te apelimit te vleresimit te bere. Gjate kesaj kohe, permbyllet edhe raporti perfundimtar i Komisionit, i cili i dergohet per miratim Keshillit te Ministrave. Me pas fillon negocimi i kontrates, ku kompania qe ka fituar te drejten e tij, duhet te depozitoje apo te ngrije ne llogari dhe ne emer te shtetit shqiptar 20% te vleres se kontrates", shpjegoi zv.ministri. Kujtojme ketu faktin se kompania amerikane "Vetro Energy", e cila rezulton edhe me oferten me te larte teknike dhe financiare, konfirmoi javen e kaluar se kishte paraqitur garancine bankare prej 10%, ose 85 milione euro, duke bindur kesisoj komisionin shqiptar per aftesine e saj paguese.

"Vetro Energy", me oferten dhe piket me te larta ne gare

Pervecse ka paraqitur oferten me te larte financiare, prej plot 850 milione eurosh, kompania amerikane "Vetro Energy" rezulton qe te disponoje edhe piket me te larta ne pikezimin e dhene prej Komisionit te Vleresimit te Ofertave. Bazuar pikerisht ne plotesimin qe ajo u ben te gjitha kritereve mbi privatizimin e "Albpetrol", perfshire edhe eksperiencen ne fushen e naftes, konsulenti i ka dhene asaj nje vleresim financiar me 75 pike per oferten prej 850 milione euro dhe 22.79 pike per vleresimin teknik. Kurse pasuesi i saj, ka nje vleresim financiar me 26.21 pike, ndersa vleresim teknik me 18.18 pike.

Kompanite e skualifikuaa, nuk i plotesonin te gjitha kriteret

Kompanite e skualifikuara nga Komisioni i Vleresimit te Ofertave prane ministrise se Ekonomise, mesohet te kene qene "Amber Shine Inc", "Gazprom' dhe "Ecolog". Lidhur me kete vendim, kreu i komisionit ne fjale, Sokol Dervishaj, ka komunikuar se ai u mor, pasi keto kompani, nuk i plotesonin te gjitha kriteret e kerkuara per privatizimin e kompanise shteterore te naftes, "Albpetrol". Sipas tij, kompania "Ekolog" nuk kishte as oferte financiare dhe as garanci, prandaj u vendos qe te skualifikohet nga kjo gare. Ndersa "Gazprom", i cili ofroi 55 milione dollare, u konstatua se nuk ishte ne perputhje me kriteret e vendosura dhe nuk kishte as garancine bankare. Kurse kompania "Amber Shine" e ka pranuar skualifikimin nga gara, pasi nuk ploteson kriteret per nje kapacitet asetesh prej 100 milione eurosh, dhe nuk ka garancine e ofertes. Kane qene te gjitha keto shkaqe, qe i kane nxjerre te tria keto kompani nga "loja" per "Albpetrolin".