Gasperini, i befasuar

Gian Piero Gasperini ishte i befasuar që mori ftesë për të udhëhequr Interin dhe tani synon të vazhdojë ndërtimin e fondacionit të suksesshëm aktual.

Italiani 53 vjeç i shkarkuar nga Genoa në nëntor të vitit të kaluar, u emërua trajneri i Interit javën e kaluar si pasardhës i Leonardos, pas refuzimit të disa strategëve të mëdhenj si Fabio Capello dhe Guus Hiddink.

“Jam krenar që jam këtu në Inter. Më ka ardhur si befasi e madhe, por tani jam i vendosur të arrij rezultate të mira, të kalojmë një sezon të madh”, tha Gasperini për Inter Channel.